Tanacetum vulgare
|
|
Chest artícol a l'è scricc in Lumbàrt, ortograféa orientàl unificàda. |
| Tanacetum vulgare | ||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||||
| Classifigazion sientífiga | ||||||||||||||||||||||||
| ||||||||||||||||||||||||
| Nomm binomial | ||||||||||||||||||||||||
| Tanacetum vulgare L. |
Tanacetum vulgare L. l'è 'na piànta erbàcea perène de la famìa botànica de le Asteraceae,
Descrizione[Modifega | modifica 'l sorgent]
L'è 'na piànta erbàcea perène che crès enfìna a 60 ÷ 120 ghèi de altèsa del teré. L'è 'n grant aromàtica, e l'è munìda de 'n rizòma che rèsta al pél del teré, ramificàt e lignùs. La g'ha dei gamp che stà sö bèi drìcc, con tàte fòie, striàcc, che che tènt a ramificà 'ndèla part piö alta.
Le fòie le g'ha 'l gambì lónch 5÷15 ghèi, altèrne, glàbre, con 15÷23 segmèncc penatopartìcc, seghetàcc sö l'òrlo; le fòie del gamp le ghe se 'nguàina dré e le prezènta endèla fàcia de l'envèrs dele ghiàndole picinìne.
Le 'nfiurescènse i è dei capulì a sò ólta reünìcc en curìmp, bèi empacàcc che vé sö ensìma ai gamp. I capulì i è bèi spès e spiatàcc conde fiùr töcc tübulùs de 'n culùr zalt dór de presapóch en ghèl 1 cm de diàmetro, a fùrma che somèa 'n piàt, condèn pedùncol bèl lónch.
I fiurilì periferich, en tùren a l'òrlo del capulì i è fiùr fèmina co la coròla corolla tridentada, envéce chèi en mès i è ermafrudìcc co la coròla a 5 décc. Le bràtee envolücràle i è lanceolàde-otüze e scariùze a l'òrlo, bèle tacàde giöna a l'ótra. I fiurés de zögn a setèmber.
I fröcc i è dei achéni lónch presapóch en pér 2 de milìmetri con 4 o 5 còste longitüdinài, piéne de ghiandulìne. El pàpo el g'ha 'na curunsìna solcàda en maniéra iregolàra.
Habitat[Modifega | modifica 'l sorgent]
Chèsta piànta la crès dré ai fòs, endèi teré mìa cultiàcc, sö le spónde dei fiöm, endèle praterìe, e suradetöt endèi teré àcit e 'ndei mucc enfìna a 1.600 méter sùra el leèl del mar.
Sinònim[Modifega | modifica 'l sorgent]
- Chrysanthemum vulgare Bernh.
- Pyrethrum tanacetum Bernh.
Riferimèncc[Modifega | modifica 'l sorgent]
Sandro Pignatti, Flora d'Italia - 1982 Edagricole - Bologna Pietro Zangheri, Flora Italica. 1976 CEDAM - Padova Conti F., Abbate G., Alessandrini A., Blasi C., An annotated checklist of the Italian vascular flora - 2005 Palombi Editori, Roma.
 |
Wikispecies la g'ha dent de le informassiù sö l'argoment: Tanacetum vulgare |