Silene acaulis

De Wikipedia
Va a: navegá, truvá
Silene acaulis
Silene acaulis
Silene acaulis
Classifigazion sientífiga
Regn: Plantae
Division: Magnoliophyta
Clas: Magnoliopsida
Ùrden: Caryophyllales
Famìa: Caryophyllaceae
Zèner: Silene
Spéce: S. acaulis
Nomm binomial
Silene acaulis
(L.) Jacq.

La Silene acaulis l'è 'na piànta de la famìa de le Caryophyllaceae.

Descrisiù[Mudifega | mudìfica 'l sorgènt]

La fùrma biològica l'è: Ch pulv - Camèfite pülvinàde. Piànte con coi böcc che düra divèrsi agn colocàcc a mìa de piö de 20 ghèi del teré e portamènt a cusì.

La Silene acaulis l'è 'na piànta erbàcea, che fùrma dei cusì bas, piacc o emisférich, che g'ha gamp ipogèi lignùs, e gamp epigei nüi o quàze nüi. Altèsa 1÷5 ghèi, grandèsa dei cusinècc de sòlet 10÷30 ghèi ma la pöl pò a fan de piö grancc.

Le fòie i è opòste sèsii lineaàr e le fenés a pùta. L'òrlo l'è cartilaginùs e de spès 'l g'ha dei pelacì. Le fòie le vé fò sö dei gambì cürcc cürcc.

De fiùr en vé fò giü per ògna gambì. I è unisesuài o ermafrudìcc; el càles l'è a fùrma de tübizì a sépali saldàcc. L'è de culùr che tìra al viòla. El g'ha mìa de pei, el g'ha dés nervadüre e décc otùzi. La coròla l'è fàda de 5 pétali lìber spatolàcc e apéna apéna bilobàcc. I è de culùr ròza, de rar biànch; 10 stam, 3 stìi, ginecèo sùpero tricarpelàr sincàrpich. I fiorés de màgio a óst.

I fröcc i è càpsule triloculàre, ovài e deiscènte. I conté i granì de somésa che i g'ha la superfìce rügùza, reniformi, de culùr maròn ciàr.

Se la tróa sö le préde o en mès a la gèra suratöt calcàrea; La crès endèi mucc entra i 1.600 e i 3.700 méter s.l.m.


L'è cümü 'ndèle zòne àrtiche e 'ndèi mucc piö alcc de l'Europa (Alp, Carpàsi, Ùrali, Pirenèi, Ìzole Britàniche, ìzole Far Oer).

Sotaspéci e varietà[Mudifega | mudìfica 'l sorgènt]

  • Silene acaulis (L.) Jacq. subsp. acaulis
  • Silene acaulis (L.) Jacq. subsp. bryoides (Jord.) Nyman
  • Silene acaulis (L.) Jacq. subsp. cenisia Killias
  • Silene acaulis (L.) Jacq. subsp. longiscapa Vierh.
  • Silene acaulis (L.) Jacq. var. exscapa (All.) DC (Stàti Ünìcc)
  • Silene acaulis (L.) Jacq. var. subacaulescens (F.N. Williams) Fern. & St. John (Stàti Ünìcc)

Galerìa[Mudifega | mudìfica 'l sorgènt]

Colegamèncc estèrni[Mudifega | mudìfica 'l sorgènt]

Commons-logo.svg
Wikimedia Commons
al gh'a dent roba culegada a:

Leteradüra[Mudifega | mudìfica 'l sorgènt]

  • Xaver Finkenzeller: Alpenblumen, München 2003, ISBN 3-576-11482-3
  • Fischer, M. A., Adler, W. & Oswald K.: Exkursionsflora für Österreich, Liechtenstein und Südtirol, Linz, 2005, ISBN 3-85474-140-5