Signur d'le sime

De Wikipedia
Va a: navegá, truvá
Ludesàn Chel articul chi l'è scrivüd en ludesàn cun urtugrafìa ludesana
El grüpp Schiara vìst dal Serva

Signùr d'le sìme (in Itagliàn Signore delle cime) l'è un cànt pupulàr scrìtt da Giüsepp De Marzi de Arsignàn in del 1958, quant ch'el gh'eva 23 ann[1].

Storia[Mudifega | mudìfica 'l sorgènt]

De Marzi l'ha scrita per ricurdà el sò amìs Bepi Bertagnoli, mòrt in muntagna in del 1951[2]intànt che'l feva alpinìsm.

Anca se el parla d'una persuna morta, l'è diventàd un cant pupular cantàd in tütt el mund, che'l tùca asèe el cör d'la gent, anca de quèi che in muntagna i'enn mai andài.

El cant l'è cantàd dai còr, ma anca e suratütt dai Alpìn quant i fann l' Adunata nazionale degli Alpini: el mètt insema sentimènt, devusiòn, e pità pupular[3].

Paròl[Mudifega | mudìfica 'l sorgènt]

Un giùn el parla al Signùr (Signore delle cime) e a la Madona (Santa Maria signora della neve) e ghe dumanda de purtà pür in Paradìs l'amìs mort, ma de fàl pasà prima da le sò muntagne. In d'la tersa strofa, che generalmènt l'è cantada no, el dumanda al Signùr de lasà cascà dal ciel una stela alpina in ricòrd de l'amìs.

Riferimént[Mudifega | mudìfica 'l sorgènt]

  1. Signore delle cime sül sit Ana.it
  2. Editrice Veneta S.A.S, prufìl de Bepi Bertagnoli
  3. Artìcul sü Signore delle cime

Ligàmm de föra[Mudifega | mudìfica 'l sorgènt]