Sempervivum montanum

De Wikipedia
Va a: navegá, truvá
Chest artícol a l'è scricc in Lumbàrt Orientàl, ortograféa unificàda Lombard oriental


Sempervivum montanum
Sempervivum montanum Val Adamé.jpg
Classifigazion sientífiga
Regn: Plantae
SubRegn: Tracheobionta
Division: Magnoliophyta
Clas: Magnoliopsida
Ùrden: Saxifragales
Famìa: Crassulaceae
Zèner: Sempervivum
Spéce: S. montanum
Nomm binomial
Sempervivum montanum
L.

Sempervivum montanum l'è 'na piànta erbàcea suculènta de la famìa de le Crassulaceae.


L'è 'na piànta perène, erbàcea, cespitùza che trà fò dei stulù che fùrma de le rözète fiöle.

Le fòie i è ovài o elìtiche, pelùze, vérde, reünìde 'n rözète de 20-40 mm, che sènt de rézina. I fiùr i è a fùrma de stilìna, de 25÷30 mm de diàmetro, I pétali i è de culùr rós pórpora che fenés a pùta. La piantìna la mör dòpo ìga fiurìt, endèl momènt che la fà sö i fröcc. La fiurés 'n istàt. La crès 'ntra i 1.500 e i 3.100 méter sùra 'l leèl del mar. Del stès zèner fà part apò a 'l Sempervivum arachnoideum e 'l Sempervivum tectorum, spéci che se tróa bastànsa facilmènt endèla zòna alpìna.

Habitat[Mudifega | mudìfica 'l sorgènt]

El crès de preferènsa endèla gèra e 'n mès ai balòcc, de sòlet l'àma mìa tat i teré calcàrei.

Distribusiù[Mudifega | mudìfica 'l sorgènt]

Se 'l tróa sö le cadéne muntuùze de le Àlpi, söi Pirenei, söi Carpàsi e 'n Còrsica.

Sotaspéci[Mudifega | mudìfica 'l sorgènt]

  • Sempervivum montanum subsp. burnatii Wetts. in Hegi 1922
  • Sempervivum montanum subsp. carpaticum
  • Sempervivum montanum subsp. montanum
  • Sempervivum montanum subsp. stiriacum[1]

Oservasiù[Mudifega | mudìfica 'l sorgènt]

Le spéci de chèsto zèner en sèrte ocaziù i è mìa tat fàcii de discriminà 'ntra de lùre, suratöt quan che 'ndèna stèsa zòna se tróa ezemplàr de spéci diferènte. el fat de mìa ìga mecanìsmi de izolamènt reprodütìf o bariére genétiche 'ntra vergöne de chèste spéci, suratöt 'ntra Sempervivum arachnoideum, Sempervivum montanum e Sempervivum tectorum, el fà che 'l sàpe mìa difìcil troà dei fenòmeni de ibridasiù, e chèsto 'l pórta a fà nàser dei "sam de ìbridi", che i pöl dürà e slargà 'l sò areàl per vìa de la reprudusiù vegetatìva.[2]

Riferimèncc[Mudifega | mudìfica 'l sorgènt]

  1. Sempervivum montanum.
  2. Sempervivum L..

Colegamèncc estèrni[Mudifega | mudìfica 'l sorgènt]

Commons-logo.svg
Wikimedia Commons
al gh'a dent roba culegada a: