Segunda Curinz Capitel Trides
|
|
Quel articul chì l'è scrivüü in Lumbard, cun l'urtugrafia insübrica ünificada. |
Segunda Curinz[Modifega | modifica 'l sorgent]
La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.
Capitel Trides[Modifega | modifica 'l sorgent]
1A vegni chèsta tèrza völta a vialter; ogni parola la sarà cunfermada per la buca de düü o trii testimon. 2Huu dii prima, e disi prima, cuma quand ghe sun staa là la segunda völta e quand ghe sun no là adèss, a quij che hann pecaa prima e tütt el rest, che se a vegni de növ, je sparmaruu no, 3perchè cerchii la pröva che 'l Crist el parla in de mì, che vèrs vialter l'è no dèbul, ma l'è fort[1] in de vialter. 4E defàtt l'è staa crusefiss per la debuléza, ma 'l viv per la puténza de Diu. Già che anca nümm sèmm debuj in de lü ma vivarèmm cun lü per la puténza de Diu vèrs vialter.
5Tenteev vialter medemm, se sii in de la féd, prueev vialter medemm; o ve cugnussii no vialter medemm, che Gesü Crist el viv in de vialter? A mén che avii no süperaa la pröva! 6E a speri che savarii che èmm süperaa la pröva[2]. 7E pregum a Diu che faguv nagott mal, no perchè nümm parum che èmm süperaa la pröva, ma perchè faguv chèll che l'è bén e sium cuma quij che hann süperaa minga la pröva. 8Già che podum fà nagott cuntra la veritaa, ma dumà[3] per la veritaa. 9Già che gh'èmm letizia quandessìa nümm sium debuj, e vialter siuv fort; pregum anca per chèst: el fà perfètt de vialter.
10Per chèst, scrivi chèstcoss quand ghe sun no là, perchè, quand ghe sun là, a druva no severamént l'auturitaa che 'l Signúr el m'ha daa per el fà sü e no per el tirà giò.
11Del rest, fradèj, che gh'avii letizia, prepareev, incurageev, pensee la medema cossa, stee in pas, e 'l Signúr del bén e de la pas el sarà cun vialter. 12Salüdeev el vün i alter cunt un basìn sant. Tücc i sant ve salüden.
13La grazia del Signúr Gesü Crist e 'l bén de Diu e la fradelanza del Spirit Sant la sien cun tücc vialter.