San Böv
| San Böv | |
 La Madona cun San Roch e San Böv. San Böv l'è quell a la drita, cun sü l'armadüra. |
|
| Nassüü | Pruvenza |
|---|---|
| Mort | Vughera, 22 de Magg 986 |
| Veneraa da | Gesa catolega |
| Regurdaa el dì | 22 de Magg |
| Patronn de | Vughera |
| Prutetur di | besti dumestegaa |
Böv (Pruvenza, X secul – Vughera, 22 Magg 986) l'è stat un sant pruvenzal veneraa da la Gesa catolega.
Segonda una biugrafia antiga in part verdà e in part legenda, el saris el fiö de Adelfrido e Odelinda, nobil pruvenzal. El s'è fat varè in tanta bataj, suratüt cuntra i Mor che in quij ann là i atacaven i zonn de la Pruvenza. Se dis che el so eruisem l'è stat fundamental ai temp de l'assedi de la furtezza saracena de Frassineto, organizaa da Guglielmo I de Provenza, düca de Pruvenza, del 973.
Dop l'ha però cambiaa vita, dedicandes a la meditazion, a la penitenza e ai pelegrinagg. L'ha perdunaa el mazzament de so fradee. Int el menter de vön di so pelegrinagg in vers Ruma, el se truvava a Vughera quand che l'è stat ciapaa da un malann e l'è mort.
[Mudifega] Credenz
L'è el sant patronn de Vughera, e patronn di besti dumesticaa, e tanti sumejanz che i le rafigüren i henn ambientaa int i stal. De suvent l'è rafigüraa anca cun sü l'armadüra da cavaliee, o in sima a un caval.
