Saint-Pierre-et-Miquelon

De Wikipedia
Va a: navegá, truvá

Saint-Pierre-et-Miquelon l’è ün arcipelàch fransés che l’ se tróa in del Atlàntech 25 km a mesdé de l’isola de Tera Nöa. Al dé de ‘ncö l’è öna coletività d’óltre mar, ma prima l’éra öna coletività teritoriala a statüt ispeciàl e prima amò ü dipartimènt d’óltre mar; l’è chèl che l’rèsta de la Nöa Fransa.

Geograféa[Mudifega | mudìfica 'l sorgènt]

L’arcipelàch l’ gh’à ‘n töt òt ìsole: i trè ìsole piö ‘mportante i è chèle de Saint-Pierre ‘ndóe la stà de cà ol 90% de la zét, de Miquelon e de Langlade, che dal 1783 i è tacade ‘nsèma da öna striscia de sabia, da ün istmo. Gh’è pò di isolète e isolòcc picinì e sènsa zét.

L’arcipelàch de Tera Nöa

Storia[Mudifega | mudìfica 'l sorgènt]

L’è stacc ciamàt isola de Saint-Pierre dal navigadùr Jacques Cartier che l’è pasàt de ché in del 1536. L’arcipelach l’èra öna base dovrada da i pescatùr Normann, Breton e Basch e chèsto legàm istòrech l’è amò testimoniàt al dé de ‘ncó da la bandèra de Saint-Pierre-et-Miquelon che la gh’à dét l’Ikurriña basca, la bandèra bretone e chèla normana co i leù rós.

Öna próa de chès-ce ligàm istòrech l’è pò ‘n del nom Miquelon che l’ vé dal Basch e l’è la manéra de tradüs ol nòm Michél, menimà Langlade l’è öna contrasiù del nom l'île à l'Anglais, isóla di Inglés, dezà che per ‘mpó de tèp Saint-Pierre-et-Miquelon l’è stacia sóta i Inglés.

L’arcipelàch de Saint Pierre et Miquelon, Fransa

La popolasiù[Mudifega | mudìfica 'l sorgènt]

Ol Censimét del 2009 l’à rilevàt 6.345 abitàncc, 5618 i stà de cà sö l’ìsola de Saint-Pierre e 698 sö chèle de Miquelon e Langlade.

Ol tép[Mudifega | mudìfica 'l sorgènt]

Ol tép l’è frècc e ömet ach se l’è mitigàt dal ucéan, isé d’invèren l’fiòca tat e la temperadüra la và mai sóta i méno 10 e d’estàt la temparadüra média l’è de 16 gradi.