Sércc

Chest artícol a l'è scricc in Lumbàrt Orientàl, ortograféa ünificàda

In biànch ol sércc e in nìgher la sò sirconferènsa

Ol sércc (o sércol) l'è öna figüra geomètrica piàna, facia sö da töcc i póncc che i se tróa dét in d’öna sirconferènsa, cioè da töcc i póncc che i è luntà dal cèntro de méno de la longhèsa del ràgio, per dìla ‘n d’ön ótra manéra l’è l’àrea che la stà dét ‘n d’öna sirconferènsa.

La córda, ol ràgio, ol diàmeter, 'l arch

• La córda l'è ü segmènt che 'l part e 'l fenés sö la sirconferènsa.
• Ol ràgio l'è ü segmènt che 'l part dal cèntro del sércc e 'l fenés sö la sirconferènsa.
• Ol diàmeter l'è öna córda che la pàsa per ol cèntro del sércc e cioè l'è lónch compàgn de dù ràgi.
• 'l arch l'è chèl tòch de sirconferènsa delimitàt da öna córda.

La sirconferènsa del sércc

Per troà quat l'è lónga la sirconferènsa d'ü sércc gh'è de fà:

$\mathrm{Crf}=2 \cdot \pi \cdot r$

'ndóe r l'è 'l ràgio del sércc e 'l π l'è 'l pi gréch che piö o méno 'l val 3,14159265...

L'àrea del sèrcc

Per troà l'àrea d'ü sércc gh'è de fà:

$\mathrm{Area}=\pi r^2$

'ndóe r l'è 'l ràgio del sércc e 'l π l'è 'l pi gréch che piö o méno 'l val 3,14159265...