Robert Whittaker

De Wikipedia
Va a: navegá, truvá
Chest artícol a l'è scricc in Lumbàrt Orientàl, ortograféa unificàda Lombard oriental

Robert Harding Whittaker (* Kansas, EE.UU., 27 de dezèmber del 1920 - † ibidem, 20 de utùer del 1980) l'è stat 'n ecòlogo vegetàl, algòlogo e botànich americà, atìf 'ntra 'l 1950 e 'l 1980.

Nasìt a Wichita, stat del Kansas, el s'è laureàt a l'università de Topeka e dòpo ìga fat el militàr, el g'ha utignìt el duturàt a l'università Università del Illinois. Lé l'è deentàt giü dei piuniér del üzo dei marcadùr radioactìf endèl stüde dei ecosistémi.

El g'ha prupunìt — frà le ótre ròbe — apò a 'l sistéma de anàlizi de gradiènt endèl stüde de le comunità vegetài. L'è stat apò atìvo fés endèl setùr de le comunità de piànte, la söcesiù ecològica de chèste e la prudutività.

Pero 'l sò contribùto principàl ai stüde scentìfich l'è stàda la sò propòsta de clasificasiù tasonòmica dei éser vivèncc en sich Régn: Animalia, Plantae, Fungi, Protista e Monera (chèsto öltèm al dé d'encö l'è obsoléto).

Per chèsta rizù l'è stat envidàt a fà part de la National Academy of Science, l'académia de le scènse dei Stàti Ünìcc, endèl an 1974.

El g'ha insìt el prémio de la "Ecological Society of America" come "Ecòlogo eminènt" endèl stès an che l'è mórt.


Òpere[Mudifega | mudìfica 'l sorgènt]

  • Robert H. Whittaker. 1969. New concepts of kingdoms or organisms. Evolutionary relations are better represented by new classifications than by the traditional two kingdoms. Science 163: 150-160. Entrez Pubmed 5762760
  • Robert H. Whittaker Communities and Ecosystems, Macmillan, 1975. ISBN 0-02-427390-2
  • Robert H. Whittaker (Ed.), Classification of Plant Communities, 1978 (Handbook of Vegetation Science), Kluwer Academic Publishers, ISBN 90-6193-566-0