Resegadusc

De Wikipedia
Lumbard ucidental Quest articol chì l'è scrivuu in lombard, grafia milanesa.
On muggett de resegadusc de legn.

El resegadusc o ressegadusc (alter nomm: resegusc/ressegusc, ressegunsc, resegadura/ressegadura, segadura, bulla, bullon/bollon, trid, tridell, tridumm[1]) l'è l'insemm di frament che vegnen foeura quand che se taja la legna. Al dì d'incoeu el termen el se riferiss soratutt ai buscaj de legn che resten lì in terra in di lavorà de legnamee.
L'è doperaa in vari maner, per esempi:

  1. la costruzzion de ass formaa de resegadusc compress;
  2. l'usagg 'me material coibent a in l'industria e l'agricoltura;
  3. l'usagg 'me material per nettà giò i paviment;
  4. l'usagg 'me part del pykrete, che l'è faa per el 14% de resegadusc e per el rest de giazz;
  5. l'usagg 'me material de brusà

El nomm[Modifega | modifica 'l sorgent]

El termen resegadusc (e la variant contratta resegusc) el riva de l'union de la parolla resega cont el sufiss (ad)usc. El termen resegadura inscambi el gh'ha on'orign compagna de l'italian segatura.
I nomm trid, tridell e tridumm inscambi hinn derivaa del verb "tridà".

  • Resegadusc l'è doperaa soratutt a Milan, in de la Brianza, in del Comasch e in del Tesin.
  • Resegusc l'è doperaa soratutt in de l'Olt Milanes, in del Varesott, in del Novares e in de l'Ossola.
  • Resegadura (o segadura) l'è doperaa soratutt in de la Bergamasca e in del Bressan.
    • Bulla l'è doperaa soratutt in de la Bassa lombarda, per esempi in del Lodesan (Sant Angiol, Codogn...)

Variant[Modifega | modifica 'l sorgent]

Referiment[Modifega | modifica 'l sorgent]

  1. NavigAIS, carta numer 554.

Vos corelaa[Modifega | modifica 'l sorgent]