Quart Oggiee

Quest articol chì l'è scritt in milanes, ortografia classega.

Quart Oggiee (Quarto Oggiaro) a l'è on quarter de Milan situaa in del nòrd-òvest de la città.
El quarter el confina coi comun de Novaa e Baranzaa e coi quarter de Vialba, Villapizzon, Bovisasca e Comasina.

Stòria

Quart Oggiee (che fina al 1872 se ciamava offizialment Quarto Uglerio) a l'è staa on quarter del comun de Musòcch fina al 1923, quand che 'l sò centro comunal l'è staa unii a Milan. El ciappa ciarament el nòmm de la posizion che 'l gh'eva respett al Dòmm de Milan, cioè a quatter milia de distanza (compagn de Quint Roman, Sest San Giovann e Settim). El s'è molto grandii in de la segonda metà del XX secol, grazie a l'immigrazion del Sud Italia, che l'ha faa vegnì on quarter-dormitòri. L'è diventaa vun di simbol del degrado de la periferia milanesa.