Pseudonòm

De Wikipedia
Va a: navegá, truvá
Chest artícol a l'è scricc in Lumbàrt Orientàl, ortograféa ünificàda Lombard oriental


Ol pseudonòm o pseudònim (per i artista nòm d'art), l’è ü nòm inventàt de persùna e l'è ü nòm che l’è dièrs da chèl de Batézem e l’è dovràt da scritùr, cantàncc, artìsti, spurtìf, atùr e di ólte pò da di pulìtech.

Ol pseudonòm l’è dovràt pò da dela zèt che la gh’à de fà di laùr mia legài e la öl mia fa saì ‘l sò nòm, ad esèmpe di delinquèncc, ma ach da di rioltùs e di guerigliér.

Ol pseudonòm l’è ciamàt pò nòm d’art o alias, manéra de dì del Latì, che la è da alias vices che l’ völ dì i ótre ólte o ach a.k.a., da l’acronìm inglés also known as cioè cognusìt ach compàgn de.

Per i scritùr se dóvra pò la manéra de dì franséza nom de plume che la öl dì nòm de pèna.

Pseudonòm e Scumagna[Mudifega | mudìfica 'l sorgènt]

Ol pseudonòm l'è mia de confónt co la scumagna o suernòm o scötöm, dezà che 'l pseudonòm l'è ü nòm de persùna e l' sèrf a fà mia cognòs i persune e i sèrf a scónt ol nòm giöst, menimà i scötöm i è nòm che i se dàa a töta öna famèa per mia confóndes tra persune che i gh'éra l'istès cognòm e l'istès nòm de Batès, öpör l'éra ü nòm dacc a töt ü paìs da la zét di paìs 'ntùren.

Esèmpe de pseudonòm[Mudifega | mudìfica 'l sorgènt]

  • Bud Spencer - Carlo Pedersoli - atùr.
  • Terence Hill - Mario Girotti - atùr.
  • Nina Zilli – Maria Chiara Fraschetta - cantànte emiliana.
  • Noemi - Veronica Scopelliti - cantànte italiana.
  • Elio - Stefano Belisari - cantànte.
  • Walter Valdi - Nicola Giovanni Walter Pinnetti - atùr e cantàncc.