Pilsù

De Wikipedia

Chest artícol a l'è scricc in Lumbàrt, ortograféa orientàl unificàda.


La stasiù feroviària de Pilsù

Pilsù (nòm uficiàl en italià: Pilzone d'Iseo) l'è giöna de le frasiù del cümü de Izé, en Pruìncia de Brèsa. La g'ha piö o méno 850 abitàncc e la se tróa sö le spónde meridiunàle del Lach d'Izé, presapóch 3 chilòmetri a nòrt del capolöch del cümü.

Endèn docümènt del més de febrér del 949 en sèrto "Antonio de loco Castri Gabi" el risiìa del Vèscof de Cremùna "roca una quod est monticello e un terreno in Pulcioni". Chèsta l'è la atestasiù piö antìca de la paròla "roca" per l'itàlia setentriunàla e la par pròpe riferìs al Montécol, la penìzola ruciùza che se tróa 'n mìra a l'abitààt de Pilsù[1]

L'ìa zabèlia mensiunàt come cümü 'ndependènt endèl "Estimo Visconteo" del 1385[2]. L'è stat en cümü de per sò cönt enfìna al 1927 quan che 'ndèl quàder de 'na reoganizasiù generàla de le autonomìe locài, l'è stat agregàt a Izé.

El fà paròchia de per sò cönt e la sà céza parochiàla l'è dedicàda a l'Asunsiù de Maria e Sancc Péder e Pàol.


Riferimèncc[Modifega | modifica 'l sorgent]

  1. SETTIA, Castelli e villaggi … cit., nota 20 a p. 232; G. Rosa, La storia del Bacino del lago d’Iseo, Milà, 1892, p.24.
  2. Lombardia Beni Culturali - Pilsù