Piöda (cüsina)

De Wikipedia

Lombard Occidental

Quel articul chì l'è scrivüü in Lumbard, cun l'urtugrafia insübrica ünificada.
Chest articul l'è sö l'arnes da cüsina, se te seet dree a sercà un olter significaa, varda chì.

La piöda l'è un arnes che se dröva per cüsinà var alimencc, suratüt carna, pess e verdür. L'è tipegh de la cüsina lumbarda, e'l so üs l'è spantegaa suratüt in sö l'arch alpin, in grand möd in Valtolina, induve l'è druvaa anca el lavegg.

La piöda la gh'ha di urigin devera antich: n'hemm cataa föra trass fin al Mediuev.

L'üs de la piöda in cüsina al ven cunsideraa salütar, per el fatt che a fà sö el majà gh'è no besogn de druvà oli o büter per fà no tacà giò l'aliment a la piöda. Oltra carateristega impurtanta de la piöda l'è la distribüziun del calur in manera üniforma.

La cüsina a la piöda la ved un grand nümer de robb ch'i se pöden fà sö cunt lee: custulett e olter carn, verdür, cumè i pomm de tera tajaa a tocch, var pess, cumè i tröt, induve a la fin de solet se fà giò del büter fundüü. La piöda la ven de solet fada föra de steatite, un mineral ch'al tö part in del grupp di rogg metamorfegh, ma la pö vess anca fada de Ardesia.

El termen l'è cugnussüü anca in di so variant funetegh piota, plota o biöda e al ven prubabilment del latin *plattum.