Da Wikipedia.
|
|
Quest articol chì l'è assee ben faa e l'è mia de trà via |
 |
Ul Paranà l'è un fiümm del'America del Süüt, lünch inturnu ai 2.570 km.
Al nass in del Brasìl meridiunaal quand sa mèten insema i dü fiümm Paranaìba e Grande; pö dopu al curr inver südovest, e dopu circa 600 km al cumencja a marcà ul cunfin tra Brasil e Paraguay; 200 km ammò e al sa mètt insema cunt ul fiümm Iguaçu, e al furma la cascada forsi püsséé famusa del muunt.
Dopu i cascaat al partiss a marcà ul cunfin tra Paraguay e Argentina, fin a quant al riceff ul Paraguay, dopu de che al diventa un fiümm dumé argentin fin a quant al sa svöja in del'Ucean Atlantich, in del Rio de la Plata, insema cunt ul fiümm Uruguay.
L'è un fiümm de gròssa impurtanza ecunomica, duperaa cumé via d'acqua e cumé funt de sustentameent da un muntun de cumünitaa de pescadur; almèn cinch citàà in del'internu del cuntineent g'ann dii pòort per i naff uceanich.
