Oxalis corniculata

De Wikipedia

Chest artícol a l'è scricc in Lumbàrt, ortograféa orientàl unificàda.


Oxalis corniculata
or.: Alelüja zàlda, Prat caalì

Classifigazion sientífiga
Regn: Plantae
Division: Magnoliophyta
Clas: Magnoliopsida
Ùrden: Oxalidales
Famìa: Oxalidaceae
Zèner: Oxalis
Spéce: O. corniculata
Nomm binomial
Oxalis corniculata
L. (1753)

Oxalis corniculata (en bresà l'è cunusìda col nòme de Alelüja zàlda o Prat caalì[1]) l'è 'na spéce de piànta erbàcea che fà part de la famìa botànica de le Oxalidaceae.

L'è mìa ciàr de che bànda che la sàpes uriginària ma se pènsa che la pöde véser 'na piànta del vècc mónt. L'è cunsideràda 'nvazìva per i giardì, per l'agricültüra e 'ndèi pracc razàcc. La se propàga suradetöt endèle zòne abitàde e trasfurmàde de l'òm: crèpe dei mür, ciós, ére, órcc, giardì, marciapè; del la pianüra 'nfìna ai 800 m s.l.m.


Descrisiù[Modifega | modifica 'l sorgent]

  • Raìs
    • La raìs l'è a ficù, sèmper piö sitìl con piö che 'l và 'n profondità. La g'ha mìa de stulù.
  • Fòie
    • Le fòie i è furmàde de trè fuiulìne a fùrma de cör de presapóch 5÷9 x 8÷12 mm. I è altèrne, vérde, quach vólte le pöl tirà al viòla, le g'ha dele stìpole picinìne retangolàre, auricolàde e tacàde al gambì. .
  • Fiùr
    • I fiùr i è zàlcc e picinì, 7÷10 mm.
    • I fiorés de la primaéra a l'autùno
  • Fröt e somésa
    • El fröt l'è 'na capsula bislónga, mìa piö lónga de 15 mm,
    • La sparnéga la sò somésa a divèrsi ghèi de distànsa (autocorìa)

Sotaspéci e varietà[Modifega | modifica 'l sorgent]

  • Oxalis corniculata subsp. pilosa (Nutt.) Lourteig
  • Oxalis corniculata var. preissiana (Steud.) Knuth
  • Oxalis corniculata var. wrightii (A. Gray) B.L. Turner

Galería[Modifega | modifica 'l sorgent]

Riferimèncc[Modifega | modifica 'l sorgent]

  1. Elisa Zersi, Prospetto delle piante vascolari spontaneee o comunemente coltivate nella provincia di Brescia, 1871 - Brescia, in Commentari dell'Ateneo di Brescia, per gli anni 1868 e 1869. (pò a sö google.books)

Colegamèncc estèrni[Modifega | modifica 'l sorgent]

Wikimedia Commons
al gh'a dent roba culegada a: