Omm de preja
L'Omm de preja, ciamaa anca Scior Carera, l'è ona statoa romana situada a Milan, in del Cors Vittori Emanuel (al numer tredes, sotta i portegh).
L'è ona statoa in marmor del III secol che la mostra on omm in pee con sù ona toga; el gh'ha nò i brasc, e 'l coo l'è pussee noeuv del rest del corp (l'è staa giontaa in del primm Medioev).
El se ciama Scior Carera perchè sotta la gh'è on'iscrizion che la dis Carere debet omni vitio qui in alterum dicere paratus est (cioè, chì l'è pront a parlà contra on alter el dev minga avèggh di vizzi). El nomm de Omm de preja inveci l'è puttost ciar.
Sotta a l'iscrizion in Latin gh'è n'è on'altra in Italian, che la cunta sù 'se l'è quella statoa lì, i sò duu nomm, che prima la se trovava a San Peder a l'Ort e che ai temp de la dominazion austriega de Milan el gh'ha 'vuu ona fonzion particolar: de fatt ai sò pee ghe vegniven miss di satir e di imprecazion contra el poder, proppi compagn di statov che parlen de Roma, per esempi el Pasquino.
Alter progett[Modifega | modifica 'l sorgent]
Wikimedia Commons el gh'ha dent imagin o alter archivi su Omm de preja
