Nina Zilli

De Wikipedia
Va a: navegá, truvá
Chest artícol a l'è scricc in Lumbàrt Orientàl, ortograféa ünificàda Lombard oriental


La Nina Zilli

La Nina Zilli l’è öna cantantautrice Pop che la suna ach Ska, Soul, Reggae e R&B.

Ol suernòm[Mudifega | mudìfica 'l sorgènt]

Nina Zilli l’è ü suernòm d’art, dezà che ‘l sò nòm giöst l’è Maria Chiara Fraschetta; ol suernòm l’ nas dal cognòm de sò màder, Zilli, e dal nòm de la sò cantante preferìda, la Nina Simone.

Biograféa[Mudifega | mudìfica 'l sorgènt]

La Nina Zilli l’è nasìda a Gussulengh, ‘n pruinsa de Piacènsa ol 2 de Fevrér del 1980.

L’à tacàt a cantà a l’éta de 13 agn, l’à frequentàt ol conservatòre, l’à stödiàt ol cant lìrech (soprano) e ‘l pianofórt. De s-cèta l’è cresìda 'n Irlanda isé che l’è buna de parlà a la perfesiù l’inglés.

A 14 agn l’à fondàt la sò prima band ciamada The Jerks in del 2000 l’à fai sö ön ótra band ciamàda Chiara&Gli scuri che l’à püblicàt ü sìngol ciamàt Tutti al mare in del 2001. Dòpo l’à lasàt pèrt, dezà che i discogràfech i à ölìt cambià sö töt ol sò progèt e le la se troàa piö a so agio.

Finìde i scöle secondàrie l’è stacia dù agn in di Stacc Ünicc a Chicago, ‘ndóe l’è egnìda ‘n contàt col mónd del R&B, del reggae e de töta la müzéga de la Motown.

I sò cantàncc preferìcc i è, ‘nsèma a la Nina Simone, la Mina, ‘l Adriano Celentano, Otis Redding, Alton Ellis, Billie Holiday e i Clash.

Dal 2009 l’à tacàt a cantà desperlé, da solìsta, e ‘l sò prim laurà l’è stacc ün EP, Nina Zilli, che l’è egnìt söbet de drè al sìngol 50mila, cantàt ‘nsèma al Giuliano Palma. Pròpe chèsta cansù l’è stacia pò dovràda cóme colòna sonòra del film Mine vaganti del Ferzan Özpetek.

L’à lauràt ach in TV e l'à fàcc la veejay de MTV e la co-condutrice ‘n banda al Red Ronnie ‘n de l’öltima edisiù del Roxy BarTMC2.

Sanremo[Mudifega | mudìfica 'l sorgènt]

In del 2002 l’à partecipàt, tra i zùegn, a i selesiù del Festival di Sanremo.

In del 2010 la gh’è riàda a partecipà al Festival di Sanremo in de la categoréa "Sanremo Nuova Generazione" co la cansù L'uomo che amava le donne; l’è riàda ‘n finàl tra i prim quàter e l’à enzìt ol Premio della Critica "Mia Martini", ol premio "Sala Stampa Radio Tv" e ‘l Premio Assomusica 2010, chèsto per la piö bèla esibisiù dal vif.

Ol sò sito internet[Mudifega | mudìfica 'l sorgènt]

Ninazilli.com

Discografia[Mudifega | mudìfica 'l sorgènt]

Albüm[Mudifega | mudìfica 'l sorgènt]

EP[Mudifega | mudìfica 'l sorgènt]

Singòi[Mudifega | mudìfica 'l sorgènt]

Per saìn de piö[Mudifega | mudìfica 'l sorgènt]