Neütrín
Da Wikipedia.
El neütrin l'è una partisela elementara cunt un spin de 1/2, e l'è dunca un fermiun. La sò masa l'è inscì piscinina che dumà grasie a esperiment de pocch temp fà (cume el Super-Kamiokande) l'è staa demustraa che l'è minga seru: a l'è dumà 100.000-1 miliun dii volt püsee piscinina de quela del'eletrun.
Vist che i neütrin gh'hann minga una carega eletrica o una carega de culur, poden interagì dumà per l'interasiun nücleara debula e senten nò l'interasiun nücleara forta e la forsa eletrumagnetica.
I neütrin gh'hann una masa e alura poden sentì la forsa gravitasiunala ma, vist che la gravità a l'è l'interasiun propi debula e el neütrin al gh'ha una masa che l'è quasi seru, 'sta interasiun chì la se pö cunsiderala trascürabil se la se cunfrunta cun quela nücleara debula.
