Mauro Codussi

De Wikipedia
Va a: navegá, truvá
Chest artícol a l'è scricc in Lumbàrt Orientàl, ortograféa ünificàda Lombard oriental
La Tur del Leròi 'n Piàsa San March
La céza de San Zacarìa a Venésia

Ol Mauro Codussi (Lèna, 1440 - Venésia 1504) l'è stacc ün architèt e ü pìcapréda bergamàsch, che riàt a Venésia in del 1468 l'è dientàt ol piö 'mportànt architèt del Rinascimènt venesià, tat de i lasàt ol sò sègn ach in Piàsa San March 'ndóe l'è sò 'l progèt per la Tur del Leròi e l'è fòrse sò ach ol progèt di Procüratìe Ège.

In del sécol XV, Venésia l'éra öna di sità piö 'mportànte del mónt, ma 'n fàto de architetüra l'éra restàda 'n dré lìgàda cóme l'éra al stil gòtich, o' stil di palàs piö 'mportàncc de la sità, compàgn de Palàs Dücàl e de la Cà d'Óra; l'è pròpe gràsie al laurà del Codussi, ma ach a chèl di architècc Piero Lombardo e di sò s-cècc riàcc in lagüna piö o méno in di stès agn, che Venésia l'à bandunàt ol gòtich, per inviàs sö la stràda del Rinascimènt.

I sò laurà[Mudifega | mudìfica 'l sorgènt]

Tra i sò laurà e i sò progèt s'regórda:

  • ol Palàs Zorzi a Venésia (1480),
  • ol Palàs Loredan Vendramin Calergi a Venésia (1481),
  • ol campanìl de la cèza de San Piéro 'n Castèl a Venésia (1482 - 1490),
  • la cèza de San Michél in Ìzola a Venésia (1468 - 1479),
  • la cèza de San Zacarìa a Venésia (1483 - 1500),
  • la scöla de San March a Venésia (1490 - 1495),
  • la cèza de Santa Maria Formosa a Venésia (dal 1492),
  • la Tur del Leròi in Piàsa San March a Venésia,
  • la cèza de San Gioàn Crizòstomo a Venésia (dal 1497),
  • la scàla grànda de la scöla de San Giuàn Evaglésta a Venésia (1498).

Sèmper del Codùsi l'è la céza de San Giàcom de Sedrìna in pruìnsa de Bèrghem.