Massa atomica

De Wikipedia
Va a: navegá, truvá
Vedrína
Vedrina
Quest articol chì l'è assee ben faa Vedrina
Lombard Occidental Quel articul chì l'è scrivüü in Lumbard ucidental urtugrafia ünificada.



La màssa atòmica (u anca, mègn precisameent, pées atòmich) de un'isòtup de un elemeent chímich a l'è la sò màssa, dàda in d'una ünità de misüra (UMA) de manéra ca l'isòtup Carbòni-12 al g'à una màssa atòmica de 12. De sòlit, ul valuur de màssa atòmica furnii per un àtum a l'è la média de tütt i sò isòtup natüràj, in de la sò percentüaal.

Per esémpi, per truvà la màssa atòmica del líti, ga vörenn chii daat chí:

Ul líti al g'à dü isòtup stàbil;
  • Ul Li-6 (abundànza 7,59%), cunt màssa atòmica 6,015 UMA;
  • Ul Li-7 (abundànza 92,41%), cunt màssa atòmica 7,016 UMA;
Dunca, ul càlcul al vègn inscí
M = \frac{ \sum (abund\grave{a}nza \cdot m\grave{a}ssa \ at\grave{o}mica)} {100} = \frac{7,59\cdot6,015 + 92,41\cdot7,016} {100}= 6,94 UMA


Ul valuur c'al vègn föra, 6,94 UMA, a l'è püssee areent al valuur del Li-7; a l'è giüüst, vist ca l'è püssee abundaant.

Un cuncètt símel al sa dupéra per i mulécul: la màssa la sa ciàma màssa muleculaar.

Ul valuur de màssa atòmica a l'è culegaa cunt ul cuncètt de mòl. In particulaar, ul valuur de la màssa atòmica (in UMA) a l'è istèss de la màssa (in gramm) de 1 mòl; per esémpi, la màssa atòmica del fèr a l'è 55,847 UMA, dunca 1 mòl de fèr la pésa 55,847 g.