Mariastella Gelmini
|
Quest articol chì l'è scrivud in lombard, con la Noeuva Ortografia Lombarda |
.jpg)
La Mariastella Gelmini (Len, 1 de loeuj del 1973) l'è 'na politica italiana, del 13 de fevrer del 2021 al 22 de otover 2022 ministra di afar regionai e di autonomie 'ndel governo Draghi e, prima, ministra de l'istruzzion 'ndel governo Berlusconi IV del 2008 al 2011.
Biograféa[Modifega | modifica 'l sorgent]
Laureada 'n giurisprudenza, l'è 'n avocata specializàda 'n dirìt ministrativ. En politica, la gh'ha aderit fin de la fondazzion a Forza Italia, 'ndel 1994 l'è deventada coordinadora regional del partid en Lombardia, per poeu intrà en del Popol de la Libertà e, an'mò, en Forza Italia a la soa refondazzion.
L'è stada la prima di eleti 'ndel comun de Desenzan 'ndèl 1998 e la gh'ha ricoprit l'encaregh de Presidènt del Consej Comunal 'nfìna al 2000, ann en del qual l'è stàda desfiduciada.
En del 2002 l'è 'nada a fà l'assessora al Terretore de la Provincia de Bressa e, a parter del 2004, assessora a l'Agricoltura. L'è ilisgida a la Camera di Deputacc en del 2006 e 'ndel 2008 la deventa ministra de l'istruzzion, e la resta issè fina al 2011, quand che ol governo Berluscon al borla sgiò. La fa gioeuna di reforme pioeu importante de la scoeula italiana, la reforma Gelmini, che la gh'ha fad soeu pioeu de Licee, la gh'ha sbassad i ore in di Istitut tecnegh e la gh'ha tolt via la possibilità de ciapà 'na qualifega de trii agn a l'Istitut professional.
En del 2016 l'è stada ilisgida Consejera Comunal a Milan e, in tra toeucc i candidacc, l'è stada quella che gh'ha ciapad pioeu tante preferenze de toeucc. L'ha mollad en del 2021 per deventà ancamò ministra, 'sta voeulta per i autonomie.
L'ha mollad Forza Italia quand che i ha mia votad la fiducia al governo Draghi 'n del loeuj 2022, roba che l'ha portad ol governo ai dimission, e l'è intrada en Azzion.
Riferimèncc[Modifega | modifica 'l sorgent]
- Sit del comun de Desenzan
- Frana Forza Italia, Mariastella Gelmini va con Carlo Calenda. E anche Renato Brunetta lascia il partito
Oter progecc[Modifega | modifica 'l sorgent]
Wikiquote el gh'ha dent citazzion de o su Mariastella Gelmini
Wikimedia Commons el gh'ha dent imagin o alter archivi su Mariastella Gelmini
