Mèn

De Wikipedia
Va a: navegá, truvá
Lombard Occidental Quel articul chì l'è scrivüü in Lumbard ucidental urtugrafia ünificada.



Ul percurs dal Mèn in de la Germània.

Ul Mèn l'è un fiümm de la Germània, aflüeent de drita del Renu; cunt 524 km de lünghèzza (574 sa sa cunsidera anca la püssee lünga dii sò dü bròch surgentifer) l'è ul püssee graant tra i sò tribütee; Al nass in del staat federaal de la Bavaria e al travèrsa anca ul Baden-Württemberg e l'Assia.

Ul Mèn a Würzburg.

Al sa furma da l'üniun de dü fiümisèj püssee piscinitt, cjamaa Mèn Russ (50 km) e Mèn bianch (41 km), areent al paesòtt de Kulmbach; da lì, al taja la regjun cjamada Francònia cunt un andà a zigzag. In del sò cuurs al bagna, tra i olter, citaa cumé Würzburg, Offenbach, Francufòort in sül Mèn; al sa büta deent in del Renu tra Mainz-Kostheim (quarter de la sità de Wiesbaden) e Gustavsburg, propi pressapoch in mira a la cità vegia de Magunza.

Ul fiümm l'è de granda impurtanza per ul trafich cumercjaal in Germània: 384 km primm de la sò buca in del Renu al sa destaca un canaal de cumünicazziun c'al culega ul Renu cunt ul Danübi (cjamaa defatt Canaal Renu-Mèn-Danübi). Per permètt a i naff de rivach, a quèll pünt lì, in dii ann inn staa fà gross lavurà de sistemazziun idraülica del fiümm.