Lombàrt orientàl

De Wikipedia
(Rimandad de Lombart Oriental)

Vos principala: Lengua lombarda.

Lombard Oriental Chest artícol a l'è scricc in Lumbàrt, ortograféa bresàna moderna.


Distribussiù geugrafica

El Lombàrt Orientàl l'è giü dei dù ram principài en che l'è dividìda la lengua lombàrda. L'è furmàt dei dialècc parlàcc endèle pruvìnce de Brèsa e Bèrghem, endèl'àrea entùren a Crèma e 'ndèi cümü cunfinàncc có la pruvìncia de Brèsa de le pruvìnce de Màntoa (Castiù, Castèl Gufré, Àsola, ecc.), Cremùna (Robèch d'Òi, Ustià) e Trènt (Val de Léder, Val d'Àmpola).

El Lombàrt Orientàl l'è meno unifórme del Lombàrt Ucidentàl e le sò varietà piö perifériche i è dificilmènt reciprocamènte intelegìbii.[cit. nec.]

Respèt al Lombàrt Ucidentàl, le caraterìstiche che 'l i a diferènsia i è:

  • la nazalizasiù de le vocài deànti a 'n grùpo nasal+ocluzìva sùrda con sücesìva sparisiù de la consonànt nazàl.
Ezèmpe:
  • mil.: témp / berg: tép;
  • mil.: gént / berg.: zét (ma crem.: zent);
  • mil.: cinch / berg.: sich.
Sporadicamènte pò a deànti a nazàl+fricatìva:
  • cuns / cus;
  • struns / strus.
  • stès fenòmeno có la consonànt nazàl n (ma mìa có la m) en fì de paròla:
Ezèmpe:
  • mil.: carbun / bs.: carbù;
  • mil.: pan / bs.: ;
  • ma mil.: pòm/pum / bs.: póm.
  • Asènsa de la distinsiù 'ntra vocàle lónghe e cürte.
Ezèmpe:
  • mil.: ciapà/ciapàa / bs: ciapà/ciapàt.
  • sparisiù de la lètera v intervocàlica
Ezèmpe:
  • mil.: cavall / berg.: caàl
e a ólte apò a 'n prensépe de paròla
  • mil.: mi voeuri / berg.: mé öle
  • mil.: mi vardi / bs.: mé àrde

Àrda pò a[Modifega | modifica 'l sorgent]

Colegamèncc estèrni[Modifega | modifica 'l sorgent]