Letizia Moratti

De Wikipedia
Va a: navegá, truvá
Chest artícol a l'è scricc in Bresà, ortograféa Modèrna Lombard oriental
Letizia Moratti.jpg

Letizia Brichetto Arnaboldi spuzàda Moratti (Milà, 26 de noèmber del 1949) l'è 'na pulìtica e manager italiàna; l'è stàda sìndech de Milà 'nfìna a la primaéra del 2011 e mèmber del PDL 'nfìna al dezèmber del 2011. Tra le ótre ròbe l'è stàta apò la prìma fónna a éser numinàda presidènt de la RAI.


Cóme manager la g'ha lauràt endèl setùr de le asügürasiù e de le telecumunicasiù. 'Ntra 'l 1994 e 'l 1996 l'è stàda la presidènta de la aziènda de televiziù statàl italiàna (la RAI). Endèl 1999-2000 la g'ha colaboràt có Rupert Murdoch, magnàte de le cumunicasiù, söl progèt de espansiù 'n Euròpa de le atività del sò grùpo.

Del 2001 al 2006 l'è stàda Minìster de l'Edücasiù, endèl segónt e tèrs goèrni Berlusconi.

Endèl 2006 la s'è prezentàda come candidàt sìndech de Milà per el Pòpol de la Libertà/Fórsa Itàlia e la g'ha insìt con de piö del 52% dei vóti.

Endèl 2011, la g'ha turnàt a prezentàs come candidàda del PDL e de la Lega Nord, ma al balotàgio la g'ha ciapàt apéna el 44,9% dei voti e isé l'è stàda batìda de Giuliano Pisapia, candidàt del centrosinìstra, che de vóti 'l n'ha ciapàcc el 55,1%.