Lac d'Izé

De Wikipedia

El Lac d'Izé (ciamàt apò Sebì; en Bergamàsc a ólte 'l vé ciamàt apò Lac de Pridùr o Lac de Sàrnec; en Italià: Lago d'Iseo o Sebino) l'è 'n lac de l'Itàlia setentriunàl, colocàt endèla Lombardia Orientàl. L'è furmàt del fiöm Òi. El g'ha 'na superfìce de 65,3 km² e 'na profondità màsema de 251 méter. El se tróa a 180 m de altèsa söl lièl del mar, en fónt a la Al Camònega. L'Òi el se sböta 'ndèl lac a Lùer e 'l vé fò a Sàrnec. El lac el sègna 'l cunfì tra le pruvìnce de Bèrghem e Brèsa. L'òspita la piö grànda ìzola lacùstre de l'Europa centro-meridiunàl, Muntìzola, curunàda a Nòrt e a Sud de dò izolète piö pesène: Loréto e San Pàol.