La linea

De Wikipedia
Va a: navegá, truvá

La Linea l’è ü cartù animàt ideàt dal Osvaldo Cavandoli ‘ndóe che gh’è öna lìnea che desperlé l’è töt ol dizègn del cartù animàt, dezà che la dizègna 'l personagio principàl e töt chèl che chèsto l’incóntra sö la sò strada.

La Linea l’è nasida in del 1969 e l’è stacia dovrada ‘n del Carosello de la Rai e suertöt per i püblicità di pèntole Lagostina e l’è cognusida ‘n töt Eüròpa.

Quando ‘l personagio principàl l’ se tróa denàcc a i sò pé la lìnea che l’è finida e l’ pöl piö ‘ndà ‘nàcc l’ se ulta ‘ndré e l’ ghe uza dré de töt al dizegnadùr; söbet se èt la mà del dizegnadùr co la matita bianca che l’islónga la lìnea o che l’ ghe dizègna po’ ach ergót de dovrà, ma a la fì del cartù ‘l personagio principàl l’ fenés sèmper per trecà zó ‘n del vöt, dezà che, 'n d'öna manéra o'n d'ün ótra, la ghe manca la lìnea denàcc a i pé.

La manéra de parlà[Mudifega | mudìfica 'l sorgènt]

Ol personagio principàl l’ parla ‘n d’öna manéra che l’è ‘mpó malfà de capì, dezà che l’ vuzà e i paròle i è ‘mpó storpiade, ma capita de riàga a capì bé di frasi che i è ‘n Lumbàrt Ucidentàl.

La us e la müzega[Mudifega | mudìfica 'l sorgènt]

La us l’è chèla del Giancarlo Bonomi e la müzéga de la colòna, che la regórda ‘mpó ‘l jazz, l’è stacia cürada dal Franco Godi e dal Corrado Tringali.

I dò serie[Mudifega | mudìfica 'l sorgènt]

I è dò i serie piö ‘mportante de La Linea i è:

  • La Linea serie 100 (1977 - 1980): 56 episòde (dal 101 al 156);
  • La Linea serie 200 (1984): 26 episòde (dal 200 al 225).

Per vèt i cartù de La Linea[Mudifega | mudìfica 'l sorgènt]

I s'pöl èdei ché:

http://www.youtube.com/results?search_query=la+linea&search_type=&aq=f