Lésna

De Wikipedia

Chest artícol a l'è scricc in Lumbàrt, ortograféa orientàl unificàda.


La Lésna a Prezès

La Lésna l'è ü sariulì de la pruinsa de Bèrghem che la nas tra Carós e San Bartolomé da i còste a mesdé di culìne de la Lónga, culìne che i se tróa ai pé de l'Albènsa.

Ol percórs[Modifega | modifica 'l sorgent]

La Lésna la pàsa söl cunfì tra San Bartolomé e Barzàna, mia de luntà 'de Cà Sòi, la cór pò 'n di cap a sìra de Brembàt de Sura di bànde del Casinù prima e de Trezóls dòpo, la pasa tra Locàt e Put San Péder, la traèrsa fò 'l paìs de Prezès, la gira 'ntùren al castèl de Caerzègn, per rià a Bunàt Sura e finì ol sò viàs in del Brèmb a Bunàt Sóta.

La Lésna ach in estàt, quando che l' fà cólt e l' piöf mia, l'à gh'à sèmper ü falì de aqua, dezà che probabilmènt l'è alimentàda da öna o piö surtide.

I fenés dét in de la Lésna prima la Bregógna apéna a mut de Trezóls e 'l apéna a mesdé de Trezóls, bórgh che l'è 'n del cümü de Brembàt de Sura.

Ol nòm[Modifega | modifica 'l sorgent]

Ol nòm Lésna l'è storicamènt dimostràbel a partì dal sécol XIII, de fati in de la Capitolàr n° 711 s' pöl lès "... in suprascripto agro ubi dicitur ad lesnam..." e "... alia iacet ad lesnam inferiorem...", ol nòm Lésna l'è ach confermàt ol 25 de Óst del 1456 da ün at notarìl del nodér Rizardo Gisalberti de Mós, at notarìl che 'l regórda i cunfì de Brembàt Sura, 'ndóe s' pöl lès "...et per ipsam viam rectam quosque ad pontem lesne...".

Bibliograféa[Modifega | modifica 'l sorgent]

  • Mario Testa, Brembate Sopra. Storia antica, toponimi, regesto Archivio Storico Brembatese - Biblioteca Comunale, 1985, Bergamo.