Lega Nord
 |
Quel articul chì l'è scrivüü in Lumbard ucidental urtugrafia ünificada. |
La Lega Nord (nom ufizial Lega Nord per l'Indipendenza della Padania, Lega Nord per l'Indipendenza de la Padania) a l'è una federaziun de muviment autunumista regiunaj italian ativ suratüt in del nord de l'Italia (ciamaa anca Padania). I ubietiv pulitegh de la Lega a hinn cambiaa in di agn ma a bun cünt quel principal a l'è la rivendicaziun d'una quaj furma d'utunumia per i teritori padan.
El president l'è l'Umberto Bossi. I cuurdinadù i en el Roberto Maroni, el Roberto Calderoli e la Manuela Dal Lago.
In del 1996 l'ha pruclamaa la secessiun de la Padania ma incö el sò pruget a l'è la trasfurmaziun de l'Italia in d'un stat federal. In del 2006 un referendum per una mudifiga custitüziunala prupost de la Lega insema ai sò soci de la cualiziun de Center-Drita a l'è staa respingiüü.
Alter argument pulitegh leghista a hinn l'upusiziun a l'imigraziun clandestina, l'atenziun a la sigüreza, el taj d'i tass e la prumuziun de la cultüra e de le lengue lucale. La Lega a l'è anca un partii euro-scetich che l'è semper staa cuntra l'ingress de la Türchia in de l'Üniun Eurupea.
In del temp e cunt i ültem sücess eleturaj la Lega l'ha dervii seziun del partii semper püssee a süd e anca in Sardegna.
Cuntegnüü |
Strütüra [Mudifega]
La Lega Nord a l'è una federaziun fada de 13 muviment pulitegh, ciamaa naziunaj perchè riferii a la Padania.
- Liga Veneta (member fundadur)
- Lega Lombarda (member fundadur)
- Lega Nord Piemont (member fundadur 'me Piemont Autonomista)
- Lega Nord Emilia (member fundadur 'me Lega Emiliano-Romagnola)
- Lega Nord Liguria (member fundadur 'me Uniun Ligure)
- Lega Nord Toscana (member fundadur 'me Alleanza Toscana)
- Lega Nord Friuli-Venezia Giulia
- Lega Nord Valle d'Aosta
- Lega Nord Sud Tirolo
- Lega Nord Trentino
- Lega Nord Romagna
- Lega Nord Marche
- Lega Nord Umbria
- Lega Nord Sicilia
Curent [Mudifega]
La Lega la gh'ha l'ubietiv principal che l'è l'autunumia di regiun padann. I sò pulitegh furmen però di curent diferent:
- Sucialdemucrategh e manzina pupulista, forta in Lumbardia e in general perchè a l'è l'ideulugia uriginaria e di fundadur de la Lega: l'Umberto Bossi (ex PCI), el Rubert Marun (ex Democrazia Proletaria e Verd), la sindacalista Rosi Mauro e'l Matteo Speroni;
- Liberaj centrista, fort in Venet: Giancarlo Giorgetti, Manuela dal Lago e alter.
- Liberaj: Roberto Castelli, Rossana Boldi, Daniele Molgora (ex PLI)
- Libertarian: Gianfranch Miglio, Giancarlo Pagliarini, Gilberto Oneto (gent che per la püssee part l'ha mulaa la Lega).
- Cristian demucrategh: Giuseppe Leoni (cap di Catolegh Padan), Andrea Gibelli e alter.
- Cunservadur: Mario Borghezio (Padania Cristiana, ex munarchegh del PDIUM e ex MSI), Matteo Braganti, fort in Venet e Lumbardia, defensur de la leanza cunt el Silvio Berlusconi
- Independentista in general: Carlo Speroni e Erminio Boso
