Michail Illarionovič Goleniščev-Kutuzov
De Wikipedia
El Michel Kutuzov (russ: Mихаил Илларионович Голенищев-Кутузов, Michail Illarionovič Goleniščev-Kutuzov, 1745-1813) l'è staa on general russ che l'ha ciappaa part a on mugg de bataj contra el Napoleon.
Aj temp de la terza coalizion l'è rivaa tròpp tard per ajudà i Austrìach a Ulma, ma l'ha savuu tegnì foeura i so òmen de ona tràpola organisada dij Frances.
L'ha minga poduu ciappaa part a la bataja de Austerlitz perchè l'era staa retardaa per espiegàgh i sò piàn al Tzar Lissànder e al Re prussian, poeu l'è andaa a combatt contra i Turch, l'òlter nemis de la Russia.
Quand el Napoleon l'ha invaduu el sò paes l'è staa ciamaa a ciappà el pòst del Barclay de Tolly despoeu de la bataja de Smolensk, e l'ha deciduu de retiràss senza combatt lassand peroo terra brusada intorna aj Frances. L'ha avuu un mucc de crìtich per questa decision che l'è poeu resultada giusta.
A Borodino l'è staa desconfigiuu e l'ha lassaa Musca al nemis, ma l'ha indebelii e el g'ha lassaa indree nagòtt.
Durant la retirada francesa l'ha colpii durament e cont on poeu pussee de fortuna el serìa gh'envegnuu a destrùgg del tutt el nemis a la Beresina.
