John Lindley

De Wikipedia
Lombard Oriental Chest artícol a l'è scricc in Lumbàrt, ortograféa bresàna moderna.


Ritràt de John Lindley

John Lindley (8 de febrér del 1799 — 1 de Noèmber del 1865) l'è stàt en botànic inglés.

Vìta e òpere[Modifega | modifica 'l sorgent]

Lindley l'è nasìt a Catton, arènt a Norwich, 'n Inghiltèra, endóche sò pàder, George Lindley, autùr de A Guide to the Orchard and Kitchen Garden, el gh'ìa 'n vivàio. El g'ha cuminciàt a stüdià a la Norwich Grammar School. La sò prìma püblicasiù, 'ndèl 1819, l'è stàda 'na tradusiù de l'Analyse du fruit de L. C. M. Richard. L'an dòpo 'l g'ha püblicàt la Monographia Rosarum, con dét 'na descrisiù de spéci nöe, coredàda de dizègn che 'l gh'ìa fàt lü stès. Endèl 1821 'l püblica amò dò òpere: Monographia Digitalium e Observations on Pomaceae come contribùta a la Linnean Society. Póc dòpo 'l và a stà a Lóndra, edóche 'l vé töt dét de John Claudius Loudon cól còmpet de scrìer la part descritìva de l'Encyclopaedia of Plants.

Endèl lauràga dré a chèsta òpera, che la sarà completàda 'ndèl 1829, e dòpo ìga stüdiàt i mòdei descritìf dei caràter distintìf, el se convèns de la süperiorità del sistéma "natüràl" de Antoine Laurent de Jussieu, cioè 'n sistéma che 'l riflitìa 'l gran desègn de la natüra en contrapuzisiù col sistéma "artificial" chel 'l Linèo 'l dopràa endèl'Encyclopaedia. Le sò edèe le vegnarà aplicàde 'ndèl A Synopsis of British Flora, arranged according to the Natural Order (1829) e 'ndèl in An Introduction to the Natural System of Botany (1831).

Endèl 1829 Lindley, che zà del 1822 l'ìa stat segretàre asistènt de l'Horticultural Society, l'è stat numinàt titulàr de la càtedra de botànica de l'University College de Lóndra, tìtol che 'l g'ha mantignìt enfìna al 1860; el g'ha apò ambiàt a tègner dèle conferènse sö quistiù botàniche a pàrter del 1831 al Royal Institution, e del 1836 al Chelsea Physic Garden.

Lindley el g'ha discriìt le piànte che Thomas Livingstone Mitchell el gh'ìa catàt sö 'ndèle sò spedisiù del 1838, e 'l g'ha scriìt 'na apendìce al Botanical Register del 1839 endóche 'l g'ha discriìt le piànte troàde del James Drummond e de la Georgiana Molloy de la Swan River Colony endèl'Australia ucidentàla. El g'ha ìt 'na part importànta endèla asegnasiù a Charles Moore de la Diresiù del Sydney Botanical Gardens.

Come profesùr el g'ha scriìt divèrse òpere scintìfiche e popolàre, e pò 'l g'hà apò contribüìt mìa póc al Botanical Register, del quàl l'è stàt editùr per divèrsi agn, e al The Gardeners' Chronicle, endèl qual el g'ha ìt l'encàric de cürà 'l deartimàt orticültüràl a pàrter del 1841. L'è stàt sòcio de la Royal Society, de la Linnean Society e de la Geological Society. L'è mórt endèla sò cà a Bedford Park arènt al Turnham Green.

L'è cunsideràt giü dei pàder de la clasificasiù de le orchidèe.

Sò fiöl Nathaniel Lindley el g'ha ciapàt la cariéra de giüdes e 'l g'ha utignìt el tìtol de Barù.

Selesiù de scrìcc[Modifega | modifica 'l sorgent]

En bànda a chèle zà mensiunàde, tra le sò òpere se g'ha de cità:

Endèl 1841, ensèma a Joseph Paxton, Charles Wentworth Dilke e William Bradbury el g'ha fondàt el Gardeners' Chronicle e l'è dientàt el prim editùr.


Riferimèncc[Modifega | modifica 'l sorgent]

  1. Ladies' Botany; or, A familiar introduction to the study of the natural system of botany. London: H. G. Bohn, 1865.

External links[Modifega | modifica 'l sorgent]

Modell:Wikisource author

Wikimedia Commons
al gh'a dent roba culegada a: