Jenna Jameson

De Wikipedia

LSI

Chest artícul al è scrivüü in lumbaart, con la grafia LSI.
Jenna Jameson nal 2008

Jenna Marie Massoli, in arte Jenna Jameson (nassüda al 9 d'april dal 1974 a Las Vegas, Nevada, Stat Ünii) l'è 'na pornoatrice e diretrice da la dita cinematografica "Club Jenna". L'è probabilment la pornostar püssee famosa dal mond e par chesto l'è anca cognosüda come "The Queen of Porn“ (la regina dal porno).
In la sò carriera da pornoatrice l'ha vinciüü püssee che 20 premi internazionai. Nal 2004 l'è gnicia fö la so autobiografia "How to Make Love Like a Porn Star" (come ciolà 'me 'na pornostar), che l'è staia par 6 mes na la classifica di bestseller dal New York Times.

Cariera da pornoatrice[Modifega | modifica 'l sorgent]

Nal 1993 l'ha tacaa la sò cariera d'atrice nal film "Fantasy Women", 'sto film l'eva però un erotico senza toch pornografici; lee l'eva in una scena lesbica con la sò amisa Nikki Tyler.
Al prim vero film porno che l'ha fai l'è stai "Up and Cummers 10" nal 1994. La gh'ha 'vüd sübit molto sücess e l'ha 'mò fai altri film giamò che la stava a Las Vegas.
'Pena dopo che l'ha fai i 20 agn l'ha fai n'operazion par sgrandiss i tet.
Püsee in la, ma mo nal 1994 l'è naia a stà da cà a Los Angeles insema a Nikki Tyler e l'ha 'mò tacaa a fa la fotomodella.
Nal 1995 l'ha pö scernüü da fa carriera da bon come pornoatrice. Al sò prim film dopo 'sta scelta l'è stai "Silk Stockings". Nal stess agn l'ha firmaa un contrat cola compagnia cinematografica "Wicked Pictures". Al sò prim film con un gran budget l'è stai "Blue Movie", mò nal 1995. Nal 1996 l'ha vinciüü i trii premi püssee importanti par növa pornoattice: al "XRCO Best New Starlet Award", l' "AVN Best New Starlet Award" e l' "Fans of X-Rated Entertainment (Foxe) Video Vixen Award". L'è staia la prima attrice a vinciai tücc e tri. Püssee inanz l'ha 'mò vinciüü un bordel da altri premi.

Vita privada[Modifega | modifica 'l sorgent]

Jenna Jameson l'ha dii da vèss bisessual e che in la so vita privada (fò di film) l'ha fai sesso con circa 100 donn e 30 oman. Tra i muruss che la gh'ha 'vüd g'è anca i cognossü artisti metal Marilyn Manson e Tommy Lee.
Al 20 da dicembro dal 1996 la s'è sposada col pornoatore Brand Armstrong, i è stai però insema domaa fign al marz dal 1997.
Al 22 da giügn dal 2003 l'ha sposaa Jay Grdina: al ricco proprietari da un studio da film porno. Da la metà da 2004 l'ha prövaa senza fagla da 'végh fiöö. La s'è pö dopo trövada incinta par cas e l'ha dovüü piantà lì coi film porno.
Nal 2009 l'ha fai un film dark comedy (Zombie Strippers) che l'è bastanza famos.

Club Jenna[Modifega | modifica 'l sorgent]

Nal 2000 l'ha traa in pee insema a Jay Grdina la ditta cinematografica "Club Jenna", che la faseva vedee i film su Internet. Al sito ClubJenna.com l'è stai vün di primi che oltre che foto e video u dava anca consigli sül sesso par clienti che pagava. Al sito gh'ha 'vüd sübit un un gran sücess e u s'è sgrandii come coordinator da altri siti porno e dal 2001 u gh'ha anca 'vüd 'na sò prodüzion da film.