Incö

De Wikipedia

Lombard Occidental

Quel articul chì l'è scrivüü in Lumbard, cun l'urtugrafia insübrica ünificada.

Incö (variant: ancoo, encoo, incoo; in urtugrafia milanesa scrivüü incoeu e in SL incœ) a l'è una parola lumbarda che la indica el dì in curs, o Venerdí 29 de Marz de l'ann 2024.

Incö el vegn despö de jer e prima de duman. A l'è el temp ch'al va de la mizanocc de ier a chela de duman. L'è el present.

El termen "incö" a l'è despess druaa per fà menziun a una dürada de temp relativament arenta, la mudernità, i temp mudern ("i sgiuven d'incö, i cà d'incö, i scör d'incö, ecc.").

Urigin[Modifega | modifica 'l sorgent]

Incö la vegn dal latin "Hinc Hodie". In olter lengov gh'hinn di paroll arent a Incö, ad esempi in piemontes (Ancheuj), in veneto (Ancò) e in emilian (Incò).