Il meglio di Ho fatto 2 etti e mezzo, lascio? l'è 'l segond album live di Elio e le Storie Tese, che l'è sortii vers la fin del 2004.
Quell chì, on cofenett de trii disch, el quatta dent el mej di registrazion live de la tournée de quell ann (ciamada proppi Ho fatto 2 etti e mezzo, lascio?). La tournée l'era durada trii mes, in di quai la band l'eva faa tre scalett different, e a la fin de ogni concert, per la prima volta, i canzon del concert eren staa registraa live e venduu ai fan quand che sortiven foeura de l'esibizion: quella idea chì, per la prima volta portada in Italia, l'era stada ciamada CD brulé. A la fin de l'ann, per celebrà l'iniziativa, el grupp milanes l'ha deciduu de fà sù ona raccolta del mej de 'sti CD.