Höhner

De Wikipedia
Va a: navegá, truvá
Lombard Occidental Quel articul chì l'è scrivüü in Lumbard ucidental urtugrafia ünificada.


I Höhner [ˈhøːnɵ] Ksh-M-Höhner.ogg scultee hin una banda de müsegh de Culögna (Höhner l'è 'l möd de dì "Hühner", ciuè "Püj", in de la parlada de Culögna). Hin famus suratüt in de Basin de la Ruhr, ma gh'è di cansun, cuma per esempi "Blootwoosch, Kölsch un e lecker Mädche" (Lüganega, Bira Kölsch, e 'na bela tusa), "Viva Colonia", u "Wenn nicht jetzt, wann dann?" (Se mingh' adess alura quandè?) ch'hin cugnussüü un puu departüt in del mund de lengua tudesca.

I Höhner a la demustrassiun cuntra 'l rassism ciamada "Köln stellt sich quer" (Culögna la se met de mezz, ciuè "Culögna la ghe met i tarej intra i röd - ai fascista")

L'Istoria de la Banda[Mudifega | mudìfica 'l sorgènt]

I Prim Agn[Mudifega | mudìfica 'l sorgènt]

La banda l'è stada fundada in del 1972 cunt el nom de Höhnerhoff (dialet de Culögna per "Hühnerhof", ciuè "pulee") del Peter Werner, el Walter Pelzer, el Rolf Lessenich e 'l Janus Fröhlich. In di prim agn i member de la banda pariven in sül palch cunsciaa de pulaster. I custüm de püj pö tacaven sü a spiümass e cunt i piüm che sgurataven de chi e de la 'l palch 'l sumejava propi cumpagn d'un pulee. Però pö l'han mucada li cunt i custüm de püj perchè cunt el cold di refletur südaven cuma mat suta i custüm. El so hit pü gross di prim agn l'è staa Scheiß ejal, ov do Hohn bess oder Hahn (l'è l'istess se te seet un gal u una gajna), una cansu n del 1974 sunada al carneval de Culögna 'ncamò al didincö.

IN del 1975 la banda l'ha müdaa 'l so nom in "De Höner" (I Püj). In del 1977 vün di member fundadur de la banda, 'l ROlf Lessenich l'è andaa via e l'è staa sustitüii del Peter Horn; anca 'l Walter Pelzer l'ha lassaa la banda dopu un an e l'è staa rempiassaa del Franz-Martin Willizil. In del 1978 i Höhner han scumenciaa a scrif cansun per i fans de la squadra de futbol de Culögna, ciamada 1. FC Köln: ancamò al didincö, inans di partii al stadi de Culögna, vegn sunada la cansun Mir stonn zu dir, FC Kölle ("te sem fidéj, FC Köln") indua i fans canten anca lur.

Ij Agn 80[Mudifega | mudìfica 'l sorgènt]

In del 1982 la banda l'ha firmaa un cuntrat cunt la ca discugrafega EMI. In del 1986 el Peter Horn l'ha lassaa la banda e un nöf leader, el Henning Krautmacher l'è vegnüü dent: chess chi l'è staa quel che l'ha scumenciaa a scrif anca cansun in Tudesch e minga dumà in dialet e l'ha faa insci che la banda la vegniss famusa in tüta la Germania intrega e minga dumà a Culögna. Pö, in chi agn chi, la banda l'ha anca perdüü l'articul "de" in prenzipi del nom e hin vegnüü föra i toch müsicaj Für Dich, Ruf doch mal an, Kein Meer mehr da e 'l süper hit Pizza wundaba, una cansun cunt di toch cantaa in culugnes e talian messedaa insema.

Ij Agn 90[Mudifega | mudìfica 'l sorgènt]

In prenzipi di agn 90 anca 'l bassista Günter Stenig l'ha lassaa la banda e l'è staa sustitüii del Hannes Schöner. In d'istess agn la banda l'è devegnüda ancamò püssee famusa föra de Culögna grassia 'l so desvelüp artistegh müsigal e anca grassia al so impegn pulitegh e sucial cuntra i nazista e i rassista. Pö olter che a cantà anca in tudesch, la banda in di agn 90, l'ha faa, insema a la banda irlandesa Galleon, una versiun de la cansun Minsche wie mir (gent cuma nüjolter) in ingles: People Like Us. Ij agn '90 hin staa pütost prulifegh per la banda che l'ha metüü insema ben 12 albüm.

Del 2000 al didincö[Mudifega | mudìfica 'l sorgènt]

In prenzipi del nöf milèni la banda l'haa ciapaa 'l so prim disch d'or cunt la cansun "Die Karawane" e l'ha tacaa sü a suna anca cunt el circh de Culögna, 'l Circus Roncalli.

In del 2003 i Höhner han faa 'l so pü gross sücess cuntla cansun Viva Colonia, devegnüda perfin la cansun pü pupulara a l'Oktoberfest del 2004 e del 2005.

In del 2007 el ghitarista Ralle Rudnik l'è andaa furt e 'l Gales John Parsons l'ha ciapaa 'l so post.

Viva Colonia[Mudifega | mudìfica 'l sorgènt]

Viva Colonia l'è la so cansun pü famusa, sunada un puu departüt in di carnevaj regiunaj tudesch e perfin a la Oktoberfest de Münegh. La gh'ha un cor pütost famus che 'l va insci:

Da simmer dabei! Dat is prima! Viva colonia!
Wir lieben das Leben, die Liebe und die Lust
Mer glauben an den lieben Gott und ham noch immer Durst!

Mancarèm no! A l'è 'na belessa! Viva Culögna!
Nüm ne pias la vida, l'amur, e fà baraca,
Nüm credum in del Bun Diu e pö gh'em semper sed!

I Member de la Banda[Mudifega | mudìfica 'l sorgènt]

  • Henning Krautmacher (* 5. Mars 1957 a Leverkusen-Schlebusch): Vus, Ghitara (Cunt la banda del 1986 e leader de la banda)
  • Peter Werner (* 3. November 1949 a Culögna-Lindenthal), a l'anagrafa tudesca Peter Werner-Jates: Keyboards, Trumbeta, Acordia, e vus (member fundadur de la banda)
  • Janus Fröhlich (* 12. Oktober 1950 a Culögna-Ehrenfeld), a l'anagrafa tudesca Jan Peter Fröhlich: Schlagzeug, Perkussion, Gesang (member fundadur de la banda)
  • Hannes Schöner (* 24. Juni 1953 a Culögna-Bickendorf), a l'anagrafa tudesca Johannes Schulte-Ontrop: Bass, E-Bass, vus (member del 1990)
  • Jens Streifling (* 30. April 1966 a Lipsia): Clarinet, Ghitara, Piano, Bluesharp, Sassofun, Bass, Battaria (member del 2003)
  • John Parsons (* 25. April 1954 a Cardiff, Gales, GB): Ghitara (member del 2008).

Discugrafia[Mudifega | mudìfica 'l sorgènt]

Mudel:Namespace detect

Albüm[Mudifega | mudìfica 'l sorgènt]

  • Ich well noh hus (1978)
  • Verzäll doch noch ens (1979)
  • Lang usjebröt (1979)
  • Die größten Erfolge (1979)
  • Clown (1980)
  • Näl met Köpp (1981)
  • Ich ben ne Räuber (1982)
  • Schlawiner (1983)
  • Op Jöck (1984)
  • Echte kölsche Ton (19??)
  • Für dich (1987)
  • Guck mal (1988)
  • Wenn’s dir gut geht (1989)
  • Leider gut (1990)
  • 10 Johr Stimmung (1990)
  • Kumm loss mer fiere – Live (1991)
  • Höhner Aktuell (1992)
  • Dat es ne jode Lade (1993)
  • Dat fings do nor he … Höhner Classic (1993)
  • Wartesaal der Träume (1994)
  • Höhner Classic (1994)
  • Made in Kölle (1996)
  • Weihnacht’ doheim un’ üvverall (1996)
  • Best Of (25 Jahre) (1998)
  • Die Karawane zieht weiter (1998)
  • Classic Gold (1999)
  • 2, 3, 4, (2001)
  • Höhner Rockin’ Roncalli Show Rheinland des Lächelns (2001)
  • Die ersten 30 Jahre (2002)
  • Classic Andante (2003)
  • Viva Colonia (2004)
  • 6:0 (2005)
  • Here We Go (2006)
  • Höhner Live on Tour (2007)
  • Jetzt und hier (2007)
  • Nase vorn (2008)
  • 360 ° live @ Lanxessarena (2009)
  • Himmel Hoch High (2009)
  • Himmel Hoch High Spezial Edition (2010)

Scerna de Singuj[Mudifega | mudìfica 'l sorgènt]

  • Jrillparty / Et jeiht nix üvver Ostermann (1972)
  • Höhnerhoff Rock / Ich liebe Dich wie Apfelmus (1976)
  • Unsre Bock es Meister / Kater Blues (1978)
  • Minge Dom, ich ben stolz op dich (1980)
  • Dat Hätz vun dr Welt (1982)
  • En Villa an dr Ville (1984)
  • Ich han Trone in de Auge (1985)
  • Pizza wundaba (1987)
  • Kein Meer mehr da (1988)
  • Küsschen (1990)
  • Wartesaal der Träume (1994)
  • Met Breef un Siejel (1996)
  • Die Karawane zieht weiter (1998)
  • Jetzt gehts los (1998)
  • Mer ston zo dir FC Kölle (1998)
  • Lenya (1999)
  • Die längste Karnevalssingle der Welt (1999)
  • Immer freundlich lächeln (2000)
  • Dicke Mädchen haben schöne Namen (2001)
  • Liebchen (2001)
  • Sansibar (2001)
  • Viva Colonia (2003)
  • Alles was ich will (2004)
  • Länger (2004)
  • Ohne Dich geht es nicht (2005)
  • Here We Go! (2006)
  • Dä kölsche Pass (2007)
  • Wenn nicht jetzt, wann dann? (2007) (Offizieller Song zur Handball-WM 2007)
  • Mir kumme mit Allemann vorbei (2008)
  • Najuco Colonia (2009)
  • Schenk mir dein Herz (2009)
  • Viva Südafrika (featuring Right Said Fred) (2010)

Premiadür[Mudifega | mudìfica 'l sorgènt]

In del 1999 a la banda gh'han daa la Willi-Ostermann-Medaille; ciuè 'l premi pü impurtant del Carneval de Culögna. In del 2010 gh'han daa 'l Lehrer-Welsch-Sprachpreis.

Literatüra[Mudifega | mudìfica 'l sorgènt]

Ligam in sü la Red[Mudifega | mudìfica 'l sorgènt]

Commons-logo.svg
Wikimedia Commons
al gh'a dent roba culegada a: