Giuseppe Zanardelli

Chest artícol a l'è scricc in Lumbàrt, ortograféa orientàl unificàda.

Giuseppe Zanardelli (Brèsa, 26 de utùer del 1826 – Madéren, 26 de dezèmber del 1903) l'è stat 'n òm pulìtich italià.

Biografìa

El g'ha ciapàt la làurea en giürisprüdènsa a l'Üniversità de Pavìa, come aliévo del Collegio Ghislieri.

Combatènt endèi córp volontàre 'ndèla guèra del 1848, el töl part a la campàgna del Trentì. El ritùrna a Brèsa dòpo de la scunfìta de Novara e, per en pó de tép, per mantignìs, el dà lisiù de derét. El colàbora col giornàl "Il Crepuscolo" condèn quach sàgi de economìa pulitìca.

Endèl an 1859 l'organìza el soleamènt de Brèsa cutra 'l goèrno dei Austrìaci. Iligìt come depütàt endèl stès an, ghe vé dat divèrsi 'ncàrech aministratìf, ma 'l se dedicarà 'n maniéra atìva a la carièra pulìtica apéna a pàrter del més de mars del 1876, quan che và sö la Sinìstra, de la quàla l'ìa 'n esponènt de prim pià.

El ciàpa l'encàrech de Ministro dei Lavori Pubblici 'ndèl prim goèrno Depretis del 1876, el se dimèt per divergènse sùra la quistiù de la gestiù de le cunvensiù feroviàrie. Minìstro de l'Intèrno col goèrno Cairoli del 1878, el ciàpa 'n mà 'l progèt de rifùrma del derét de votà.

Amò 'na ólta Minìstro, staólta de la Giüstìsia 'ndèl goèrno Depretis del 1881, el rìa a portà a fì 'l còdice de Comèrcio nöf e fà apröà la normatìva sö l'ocupasiù de le fómne e dei minùr. Congedàt del Depretis nel 1883, el rèsta a l'upuzisiù e 'l ghe dà vìta a la "pentarchia"; endèl 1887 el rièntra 'ndèl goèrno del Depretis stès, sèmper come minìstro de la Giüstìsia e 'l mantegnarà amò 'l stès encàrech apò a col goèrno Crispi sücesìf, enfìna ai 6 de febrér del 1891.

En chèsto perìodo 'l vàmbia là le rifùrma del sistéma giüdisiàre e 'l fà apröà el prìm còdes penàl de l'Itàlia ünìda, cunsideràt giü dei pio liberài e progredìcc 'ntra chèi en vigùr alùra: el còdes Zanardelli el vé prezentàt a la Camera endèl noèmber del 1887, püblicàt ai 22 de noèmber del 1888, prumulgàt ai 30 de zögn del 1889 e 'l và 'n vigùr del prim de zenér del 1890. Tra le ótre ròbe, per sò inisiatìva persunàla, se rìa a l'abulisiù de la péna de mórt.

Quan che và zó 'l goèrno Giolitti, 'ndèl 1893, el Zanardèl el tènta con töte le fórse, de furmà en goèrno nöf, ma 'l ghe rìa mìa. Iligìt presidènt de la Càmera 'ndèl 1892 e piö tàrde amò 'ndèl 1897, el manté chèsto 'ncàrech enfìna al dezèmber del 1897, quan che l'acèta de ciapà 'n mà amò 'na ólta 'l minitero de la giüstìsia per el goèrno Rudinì, ma ghe tocarà dimitìs dòpo póch per vìa de divergènse col sò coléga de goèrno Visconti Venosta sö le mizüre de ciapà per empedéser el ripitìs de le agitasiù popolàr del més de màgio del 1898.

Dòpo de ìga ciapàt amò la presidènsa de la càmera, l'abandùna amò 'na ólta per püdì ìga 'na pàrt atìva endèla campàgna ustrusiunìstica del 1899-1900 cutra 'l progèt de lége sö la püblica sigürèsa. Chèsta puzisiù la alarà el sostègn de l'estréma Sinistra endèla formasiù (dòpo che gh'è nat zó 'l goèrno Saracco) de 'n goèrno nöf, che 'l restarà 'n càrica 991 giorni, del 15 de febrér del 1901 enfìna ai 3 de noèmber del 1903.

La sò salùte però la ghe permèt mìa de portà a fì de grànt òpere. La propòsta de lége söl divòrsio, aisebé che l'ìes zamò stàda apröàda de la Camera, la g'ha de éser ritiràda per vìa de 'n upuzisiù popolàr fòrte.

El dà le dimisiù de Prim Minìster e 'l làsa la vìta pulìtica ai 3 de noèmber per vìa de 'na malatìa, El mörarà poch piö tàrde de 'n més dòpo.

Bibliografìa

Scricc de Giuseppe Zanardelli

Sulla Esposizione bresciana. Lettere estratte dal giornale "Il Crepuscolo" del 1857, Milano, Tip. di Antonio Valentini e C., 1857 riproduzione del frontespizio Arqiviad qé: [1]
- Ristampa: Brèsa, Sintesi, 1973.
Della vita del professore Camillo Guerini: discorso funebre letto dall'avvocato Giuseppe Zanardelli nel cimitero di Brescia il 20 luglio 1862, nell'occasione in cui ivi al Gerini erigevasi un monumento, Brèsa, Tip. Nazionale F. Apollonio, 1862.
- Dispunìbil per cunsultasiù lìbera sö Google Books.
Studii sulla sessione parlamentare 1861-1862, Brescia, Tip. Nazionale F. Apollonio, 1863.
- Dispunìbil per cunsultasiù lìbera sö Google Books.
L'Avvocatura. Discorsi, Firènse, Barbèra, 1879.
- Seconda edizione: Firènse, Barbèra, 1891.
- Ristampe: nuova rist. sulla 2a ed. fiorentina con prefazione di U. Da Como, Milano, Società editrice Unitas, 1920; Brèsa, Tip. Pavoniana, 1954.
- Nuova ed.: L' avvocatura: discorsi (con alcuni inediti), introduzione di Giuseppe Frigo: L'eredita giuridica e forense di Giuseppe Zanardelli alle soglie del 21. secolo; prefazione di Remo Danovi, Milà, Giuffre, 2003 ("I discorsi dell'avvocatura" 3).
Relazione ministeriale sul libro primo del progetto di codice penale presentato alla Camera dei deputati da S. E. il ministro di Grazia e Giustizia e dei Culti Zanardelli nel 22 novembre 1887, Türì, Unione tipografico-editrice, 1888.
Raccolta riassuntiva dei discorsi tenuti presso l'Amministrazione provinciale di Brescia dal 1862 al 1902, Brèsa, Geroldi, 1954 (Püblicàda co la colaborasiù de l'Ateneo, de l'aministrasiù pruvunciàl de Brèsa, a sinquant'agn de la sò mórt, 1953).

Manüscrìcc

Bèrghem, Bibliotéca "Angelo Maj", Carteggio Zanardelli Arqiviad qé: [2] .

Stüde e contribùti crìtich

Emilio Ondei, Giuseppe Zanardelli e un trentennio di storia italiana, Brèsa, Tip. Pavoniana, 1954.
Carlo Vallauri, La politica liberale di Giuseppe Zanardelli dal 1876 al 1878, Milà, Giuffrè, 1966 (Püblicasiù de l'Istituto de stüde storico-pulìtich, Üniversità de Roma, Facoltà de scènse pulìtiche).
Elena Sanesi, Giuseppe Zanardelli dalla giovinezza alla maturità: con documenti inediti, Brèsa, Ateneo de Brèsa, 1967.
Antonio Fappani, Giuseppe Zanardelli e Geremia Bonomelli: corrispondenza inedita, Brèsa, Società per la stória de la Diocesi de Brèsa, 1968 ("Fonti e documenti" 1).
Mario Dilio, Il viaggio di Zanardelli in Basilicata, Bari, Adriatica, 1970 ("I classici della questione meridionale").
Roberto Chiarini, Giuseppe Zanardelli e la lotta politica nella provincia italiana: il caso Brescia (1882-1902), Milà, SugarCo, 1976 ("Biblioteca di storia lombarda moderna e contemporanea. Studi e ricerche" 4).
Lia Corniani de Toni, Giuseppe Zanardelli: il potere del nuovo Stato. Società civile e dibattito politico a Brescia nella seconda metà dell'Ottocento, Brèsa, Grafo, 1984 ("Quaderni di didattica dei beni culturali" 15).
Giuseppe Zanardelli: atti del Convegno (Brescia 29,30 settembre 1983 - Pavia 1 ottobre 1983), a cüra de Roberto Chiarini, Milà, Franco Angeli, 1985.
La linea lombarda del federalismo: Carlo Cattaneo, Arcangelo Ghisleri, Giuseppe Zanardelli, scricc selesiunàcc e prezentasià de Giuseppe Gangemi, Roma, Gangemi, 1999.
Claudio Pedrazzini, Il pensiero politico e l'opera di Giuseppe Zanardelli Ministro dei lavori pubblici, 1876-1877, Cremùna, L. Campedelli, 2002.
Zanardelli e la Basilicata cento anni dopo, acc del convegno (Matera 29 zenér 2003), a cura de l'Asociasiù dei ex parlamentari e cunsigliér reginài de la Basilicata, Potènsa, Conséi regiunàl de la Basilicata [Soveria Mannelli, Rubbettino Industrie Grafiche ed Editoriali], 2003.
- Dispunìbil per cunsultasiù lìbera söl sit uficiàl del Conséi Regiunàl de la Basilicata Arqiviad qé: [3] .
Giuseppe Zanardelli, 1826-1903: il coraggio della coerenza, catalogo de la móstra (Roma, Vittoriano, 30 de màgio -7 de setèmber 2003), Milà, Skira, 2003.
Tonino Mazza, Giuseppe Zanardelli: la libertà nella giustizia, Izé, Società operaia de mutuo soccorso maschil e feminìl, 2003.
Giuseppe Zanardelli capo di governo (1901-1903), a cüra de Sergio Onger e Gianfranco Porta, contributi de Francesco Barbagallo... [et al.], Brèsa, Grafo, 2004.
Zanardelli: una famiglia ghisleriana. Carte indedite di Giuseppe e Ferdinando Zanardelli donate al Collegio Ghislieri, acc de la Zornàda de stüde (Pavia, Collegio Ghislieri, 28 novembre 2003), Pavia, Collegio Ghislieri - Como, Ibis, 2005.
- Collegio Ghislieri, venerdé 28 de noèmber, ùre 17 - Aula Goldoniana. Coordinasiù de Ernesto Bettinelli. - Ettore Dezza, Disposizioni testamentarie e carte private di Giuseppe Zanardelli. - Marina Tesoro, L'attentato Passanante: lettere al Ministro degli interni Zanardelli. - Angelo Stella, Fatti di famiglia nel diario inedito di Giovanni Zanardelli. - Paolo Corsini, Giuseppe Zanardelli: un politico lombardo con il senso dello Stato.

Sö la rét

Zanardelli e la Basilicata cento anni dopo, acc del convegno (Matera, 29 de zenér del 2003) - edisiù digitàl scaricàbil del sit uficiàl del Conséi Regiunàl de la Basilicata: Tö zó 'l file PDF Arqiviad qé: [4] .
Antonio Rinaldi, Un Presidente in Basilicata. Cento anni fa il viaggio di Giuseppe Zanardelli, en Incontri, periodich trimestràl de la Banca Popolar de l'Emilia Romagna, nömer 74, pp. 64-66: Tö zó 'l file PDF Arqiviad qé: [5] .
Zanardelli in Basilicata (14-30 settembre 1902). Cronaca di un viaggio, sö Paese Online, trimestral de 'nformaziù aministratìve e de vita locàl, an VII, nöm. 26-27, mars del 2003.
Us Giuseppe Zanardelli, sö l'Encyclopaedia Britannica Online.

Vus curelàt

Codes Zanardelli