Giuàn Brera
De Wikipedia
 |
Chel artìcul chì l'è scrivüd en ludezàn cun urtugrafìa ludezàna |
Giuàn Luìs Brera (San Zenòn Po, 8 setembòr 1919 – Cudògn, 19 desembòr 1992) l'è stai un giurnalìsta e scritùr italiàn.
Par mérit d'la so inventìva e gràzie ala sò padrunànsa d'la lengua italiana, l'è cunsideràd da tanti 'me quel che püsè de tüti l'ha inflüensàd el giurnalìsm spurtìu italiàn dal 1900. Lü el se presentèva insì:
« El mè vér num l'è Giuàn Luìs Brera. Son nasìd el vot ad setembòr dal 1919 a San Zenòn Po, in Pruìncia ad Pavìa, e son cresìd lìbor o quàsi fra busch, rìu e mulénti (...). Mi son padàn de rìva e de goléna, de busch e de sabión. Me son scuèrt fiöl legitìm dal Po »
Cuntegnüü |
[Mudifega] Biugrafìa
Giuàn l'ha ciapàd la làurea in scienze pulìtiche all'üniversità 'd Pavia in del 1943, ménter el prestèva servìsi 'me tenént paracadüdista in d'la Divisiòn Folgore.
In del 1944 el sé spustò in Svìsra par scapà ala Gestapo, che la penséva che lü l'èra un partigiàn. Turnàd in Italia, l'ha fai part d'la rezisténsa in Val d'Ossola, 'me 'ütant de camp d'la Brigada Comoli che la fèva part d'la División Garibaldi Redi.
In d'la so esperiénsa in d'la rezisténsa l'ha urganizàd un piàn che l'ha salvàd el trafòr dal Sempión dala distrüsión. Brera el s'è sémpor vantàd che in d'la so carièra militàra e anca 'me partigiàn, l'ha mai sparàd un culp de pistòla a un óm e l'ha mai masàd nisün.
Turnàd a la vìta civìla, in del 1945 l'è stai ciamàd da Bruno Roghi ala Gazzetta dello Sport, el püsè impurtànt giurnàl spurtìu italìan. Il del 1949, dopu un furtünàd reportage dal Tour de France, l'è diventàd diretùr d'la Gazéta, el püsè giùin diretùr in d'la stòria del giurnalìsm italiàn.
In d'la so carièra giurnalistìca, Giuàn Brera l'ha scrivüd anca par Il Giorno, Il Giornale, el Guerin Sportivo e La Repubblica. I so artìcui i èn stai tradùt in tante léngue. Brera l'ha scrivüd anca di manüài, sag, rumànz, racùnt e pièce par el teàtor e par la ràdio. El so rumànz püsè famuz l'è Il corpo della ragassa che in del 1978 l'è stai adatàd par el cìnema dall'Albert Lattuada cun la régia de Pasquale Festa Campanile.
El Giuàn l'è mort el 19 disémbor dal 1992 in un incidént stradàl, ménter el turnèva a cà da Malé, in s'la strada che culéga Cudògn a Casàl. In del 2003, l'Arena Civica de Milàn l'ha ciapàd el so num.
[Mudifega] I liber de Giuàn Brera
Atletica leggera. Scienza e poesia dell'orgoglio fisico, Milan, Sperling & Kupfer, 1949.
Il sesso degli Ercoli, Milan, Rognoni, 1959.
Io, Coppi, Milan, Vitagliano, 1960.
Addio bicicletta, Milan, Longanesi, 1964. Altra edissiun: Milan, Rizzoli, 1980; Milan, Baldini & Castoldi, 1997.
Atletica leggera. Culto dell'uomo (cun G. Calvesi), Milan, Longanesi, 1964.
I campioni vi insegnano il calcio, Milan, Longanesi, 1965; Altra edissiun: Milan, Booktime, 2008..
Coppa del mondo 1966. I protagonisti e la loro storia, Milan, Mondadori, 1966.
Il corpo della ragassa, Milan, Longanesi, 1969. Altra edissiun: Treviso, Editing, 2006.
Il mestiere del calciatore, Milan, Mondadori, 1972; also: Milan, Booktime, 2008.
La pacciada. Mangiarebere in pianura padana (cun G. Veronelli), Milan, Mondadori, 1973.
Po, Milano, Dalmine, 1973.
Il calcio azzurro ai mondiali, Milan, Campironi, 1974.
Incontri e invettive, Milan, Longanesi, 1974.
Introduzione alla vita saggia, Milano, Sigurtà Farmaceutici, 1974.
Storia critica del calcio italiano, Milan, Bompiani, 1975.
L'Arcimatto, Milan, Longanesi, 1977.
Naso bugiardo, Milan, Rizzoli, 1977. Altra edissiun: La ballata del pugile suonato, Milan, Booktime, 2008.
Forza azzurri, Milan, Mondadori, 1978.
63 partite da salvare, Milan, Mondadori, 1978.
Suggerimenti di buon vivere dettati da Francesco Sforza pel figliolo Galeazzo Maria, A Publication of the Municipality of Milan, 1979. Altra edissiun: Milan, Booktime, 2009.
Una provincia a forma di grappolo d'uva (cun Paolo Brera), Milan, Istituto Editoriale Regioni Italiane, 1979.
Coppi e il diavolo, Milan, Rizzoli, 1981. Altra edissiun: Milan, Baldini&Castoldi (ISBN 88-808-9071-9), 1996.
Gente di risaia, Aosta, Musumeci, 1981.
Lombardia, amore mio, Lodi, Lodigraf, 1982.
L'arciBrera, Como, Edizioni "Libri" della rivista "Como", 1990.
La leggenda dei mondiali, Milan, Pindaro, 1990.
Il mio vescovo e le animalesse, Milano, Bompiani, 1984. Altra edissiun: Milan, Baldini & Castoldi, 1993.
La strada dei vini in Lombardia (cun G. Pifferi and E. Tettamanzi), Como, Pifferi, 1986.
Genoa, amore mio. Milan, Ponte alle Grazie, 1992.
Storie dei Lombardi, Milan, Baldini & Castoldi, 1993.
L'Arcimatto 1960–1966, Milan, Baldini & Castoldi, 1993.
La bocca del leone (l'Arcimatto II 1967-1973), Milan, Baldini & Castoldi, 1995.
La leggenda dei mondiali e il mestiere del calciatore, Milan, Baldini & Castoldi, 1994.
Il principe della zolla (a cüra del Giuàn Mura), Milan, Il Saggiatore, 1994.
L'Anticavallo. Sulle strade del Tour e del Giro, Milan, Baldini & Castoldi, 1997.
Caro vecchio balordo. La storia del Genoa dal 1893 a oggi (a cüra del Fabrizio Calzia), Genoa, De Ferrari, 2005.
Un lombardo nel pallone, Milan, Excogita 2007.
L'abatino Berruti, Milano, BookTime, 2009.
Il più bel gioco del mondo, Milano, BUR (Biblioteca Universale Rizzoli), 2007.
Suggerimenti di Francesco Sforza al figlio Gian Galeazzo, Milano, BookTime, 2009.
[Mudifega] Liber scrivüd sül Giuàn Brera
Gioanfucarlo (biografia), del Pavul Brera e del Claudi Rinaldi, Milano, Boroli, 2004
Com'era bello con Gianni Brera, de l'Andrea Maietti, Arezzo, Limina, 2002
[Mudifega] Curiusità
* L'è citad in de la cansùn Nuntereggae più de Rino Gaetano.
