Giüdee Capitel Trii

Quel articul chì l'è scrivüü in Lumbard, cun l'urtugrafia insübrica ünificada.

Giüdee

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Trii

¹De due, fradèj sant, culegh d'una ciamada celestiala, avii vardaa l'apostul e sacerdott scèff de la nostra prufessiún, Gesü, ²essend fedel a Lü che 'l ghe fa cumè anca Musé in de la sua cà. ³Già che lü l'ha cunsideraa degn de püssee gloria vèrs Musè, segund quant lü che 'l ghe fa sü gh'ha püssee unúr de la cà (medema); ⁴già che ogni cà l'è faa sü de quajdün, ma lü che 'l fa sü tüsscoss l'è Diu. ⁵Menter anca Musè l'era fedel in de tüta la sua cà cumè un sèrv a la testimunianza de quij coss che sarànn dii ⁶Crist cumè un fiöö sura la sua cà, la cà del qual nümm sèmm, se tegnum sald a la vémpa e 'l vant de la fed.
⁷L'è inscì che propi cumè 'l Spirit Sant el dis,
«Incöö, se sentii la sua vus,
⁸Fee no dür el voster cör
cumè in de la rivolta
segund el dì de la pröva
in del desert
⁹due i voster pader pruveven in del mètt a la pröva
e vedeven i mè oper per quaranta agn;
¹⁰L'è inscì che mì eri rabiaa cun chèsta generaziún
e huu dii: Semper hinn imbrujaa in del cör,
e lur hann minga cugnussüü i mè vi,
¹¹cumè huu giüraa in de la mia ràbia:
Andarànn no denter al mè requià».
¹²Vardee, fradèj, perchè sarà no in de quajdün de vialter un cör malign d'infedeltaa, che 'l se retira via del Diu vivent, ¹³ma esurtees ogni dì, el vün l'alter, intanta che l'è ciamaa Incöö, perchè nigün de vialter sia minga faa dür del scocch del pecaa--¹⁴già che hèmm devegnüü i cumpagn de Crist, se dumà se tegnum sald al prenzipi segür del fundamént fin a la fin--¹⁵in del vèss dii:
«Incöö, se sentii la sua vus,
Fee no dür el voster cör
cumè in de la rivolta».
¹⁶Già che quij che hann sentii hann inzigaa? Ma no tücc quij che hinn naa föra de Egitt per Musè? ¹⁷E cun chi l'era rabiaa Lü per quaranta agn? No a quij che hann pecaa, i corp di quij hann burlaa giò in del desert? ¹⁸E a chi l'ha giüraa Lü che lur andassen no denter in del sò requià, se no lur che refüdeven d'übedì? ¹⁹E vardum che pudeven minga nà denter per via de l'infedeltaa.

Navigaziun

• ← Indree a Capitel Düü
• Inanz a Capitel Quater →
• A l'indes