Età Antìca

Chèst artìcol a l'è scricc in Lombàrd, ortograféa bergamasca del Dücàt.

L'Età Antìca (ach Évo antìch, Antichità o adóma stòria antìca) l'è la prima època de la stòria. De convensiù se lìga ol sò prensépe con l'invensiù de la scritüra (intùren ol XXXI secòl a.C.) e la sò fì con la tóma de l'Impéro Romà (476 d.C.).

Datassiù

Per ol prensépe la gh'è mia öna data precìsa: i stòrech i à fàcc la sièlta de distinguì stòria e preistòria con l'invensiù de la scritüra, ü procèss comensàt in de la segonda metà del IV milèn a.C.

Per la fì, l'è mia dovràt adóma 'l 476, ma i è stàcie proponìde ach:

• Ol 410, an del sach de Róma da part di Alarico.
• L'espansiù àraba e la fì de l'üniù del Mediteràneo in del VII sècol.
• L'incoronassiù de Carlo Magno in del 800.

Divisiù

In de l'Antichità d'ordinare se fà distinsiù 'ntra l'Età Clàsseca (Grécia e Róma antìche) e chèla pre-Clàsseca. I agn de transissiù col Medioévo i è ciamàt ach Tarda Antichità.

Siiltà

Nòm	Perìodo	Àrea	Scritüra	Religiù
Mesopotàmia	3300 – 750 a.C.	Suméria, Babilònia, Assìria	Cuneifórma	Politeìsta
Antìca India	3000 – 500 a.C.	Sud Asia	Pitografèca	Induìsta
Antìch Egit	3000 – 30 a.C.	Nòrd-èst Africa (dré al Nilo)	Giroglìfeca	Politeìsta
Nubià	3000 – 350 a.C.	Nòrd-èst Africa (dré al Nilo)	Giroglìfeca	Politeìsta
Maya	2000 a.C. – 1200 d.C.	Mèssich, America de mès	Giroglìfeca	Politeìsta
Cina	2100 a.C. – 1 d.C.	Cina	Cinésa	Politeìsta
Pèrsia	730 BC	Greater Persia	Cuneifórma, Pahlàvi	Zoroastrìsm
Antìca Grécia	2700 a.C. - 1500 a.C. (siilisassiù Ciclàdich e Minòich), 1600 a.C. – 1100 a.C. (Grecia Micenea), 800 a.C. (Antìca Grecia)	Grecia (Balcàni meridionài), in sèguet töta l'Alessandria	Gréca	Politeìsta
Antìca Róma	600 a.C. – 476 d.C.	Penìsola itàlica	Latìna	Politeìsta
Aztéch	1325 d.C. – 1519 d.C.	Mèssich	Pitografèca	Politeìsta
Incas	1300 b.C. – 1532 b.C.	Ecuador, Perù, Cile	–	Politeìsta