Esàgon

De Wikipedia
Va a: navegá, truvá
Chest artícol a l'è scricc in Lumbàrt Orientàl, ortograféa ünificàda Lombard oriental
Ün esàgon regolàr dividìt in 6 triàngoi regolàr: l l'è 'l làto e a l'è l'apotéma del esàgon e l'altèsa di 6 triàngoi
La Frànsa l'è suernominàda L'Hexagone da i Francés

'l esàgon l'è öna figüra geomètrica piàna, ü polìgon che 'l gh'à sés làti; menimà se ciàma esàgon regolàr, ün esàgon che 'l gh'à i sés làti töi lónch istès e i sés àngoi töi gràncc istès e cioè de 120 gradi.


Ol perìmeter d'ün esàgon[Mudifega | mudìfica 'l sorgènt]

Per troà 'l perìmeter d'ü esàgon, se 'l esàgon l'è mia regolàr, mè fà l somatòria de töcc e sés i làti, menimà se l'è regolàr bàsta fà.

 2p \,=\, 6\cdot l

L'àrea d'ün esàgon[Mudifega | mudìfica 'l sorgènt]

Gh'è dò manére dièrse per troà l'àrea d'ü esàgon regolàr:

A(l)=\frac{6la}{2}=\frac{2Pa}{2}

'ndóe l l'è 'l làto, a l'è l'apotéma e 6l e 2P i'è 'l perìmeter. Per capì chèsta fórmula, bàsta pensà che 'l esàgon 'l sìes facc de sès triàngoi regolàr e per ògnü de chès-ce triàngoi 'l làto del esàgon l'è la bàze, menimà l'altèsa l'è 'l apotéma, isé per troà l'àrea de ü de chès-ce triàngoi s'fà come per töcc i triàngoi, cioè bàze per altèsa e pò gh'è de dividì töt per dù, e alùra per troà l'àrea del esàgon l'è asé moltiplicà per sés.

Öpör s' pöl fà:

A(l)=\simeq ns\ l^2

'ndóe l l'è 'l làto e ns' l'è 'l nömer stàndard che per 'l esàgon l'è piö o méno 2,59808.

Ol suernòm de la Frànsa[Mudifega | mudìfica 'l sorgènt]

Dezà che la Frànsa la gh'à ün aspèt che 'mpó a la luntàna 'l ghe sömèa a ün esàgon, i Francés i è üzàcc a ciàmà la Frànsa col nòm de L'Hexagone.