Eisenach
Eisenach (Iesenack in de la lengua local; Ysenacum in latin; pronuncia lombarda: Áisenach) l'è ona città de la Germania central.
La città la se troeuva in del Land de la Turingia e la gh'ha ona popolazion de 43.626 abitant. Eisenach l'è traversada di fiumm Werra, Hörsel e Nesse.
[Mudifega] Stòria
La città la gh'ha on nòmm de origin celtiga che 'l voeur dì pù o manch aqua svelta. L'è stada nominada per la prima vòlta in del 1180.
In del Medioev l'è stada la residenza di cont de Turingia, de la qual famiglia l'ha faa part la Santa Elisabetta de Turingia. A Eisenach l'ha studiaa in del 1498 el Martin Luter: pròppi chì l'è poeu scappaa de la Dieta de Worms, e chì l'ha voltaa la Bibbia del grech al todesch, proteggiuu del cont Federigh el Savi. La città l'è vegnuda protestanta in del 1528.
A Eisenach l'è nassuu el composidor Johann Sebastian Bach (1685-1750).
