Domizian II

De Wikipedia
Va a: navegá, truvá
Lumbard ucidental Quest articol chì l'è scritt in milanes, ortografia classega.

El Lucio Domizi Domizian ò mej Domizian II (Lucius Domitius Domitianus in Latin) a l'è staa on comandant roman che 'l s'è nomenaa imperador de l'Imperi di Gali. Inscì l'ha governaa sora la Galia e la Britania cont el nòmm de Ceser Pii Felis (Cæsar Pius Felix) per on brev period intorna al 271, dòpo el Vitorin. L'è ciamaa "Segond" per confondes nò con l'imperador roman Domizian.

Biografia[Mudifega | mudìfica 'l sorgènt]

La soa vida l'è testimoniada del stòrich bizantin Zòsim, che 'l dis che l'è staa ciapaa e punii de l'imperador roman Aurelian, ma anca de l'Historia Augusta, indove l'è minga regordaa comè usurpator, ma comè on general de l'Aureol che l'aveva vinciuu el Macrian Magior.

On'altra testimonianza a l'è la presenza de duu ghei cont el sò nòmm. Vuna l'è stada trovada in Francia in del 1900 e l'è stada a longh ritegnuda falsa, l'altra inveci in d'on vas insema a alter 5000 danee del period 250-275 in Inghiltera in del 2003.

Se cred che el sò regn el sia duraa domà on quai de dì, e che poeu el sia staa faa foeura de l'Aurelian, fòrsi pròpri per la stòria di danee. Dòpo de lù l'imperador di Gali l'è staa el Tetrich.

Vos correlaa[Mudifega | mudìfica 'l sorgènt]