Dialett romanesch

De Wikipedia
Lumbard ucidental Quest articol chì l'è scrivuu in lombard, grafia milanesa.

El Romanesch (nòmm nativ: romanesco) a l'è el dialett parlaa in de la citaa de Roma. El gh'ha on bon numer de similituden cont el Toscan, a causa de on'emigrazion de toscanòfon in del 1527, ma el fà part al grupp di dialett median (comè l'Umber ò el Marchesan). La soa gramatega l'è minga assee different de quela italiana. L'è ona parlada popolar che la va dree a cambià. Grazie a la television, el Romanesch l'è conosuu in tuta l'Italia e l'ha influenzaa l'italian. El vegg Romanesch (comè se pò vedè di testimonianzi del De Vulgari Eloquentia ò de la Cronica de l'Anònim Roman) a l'era pussee vesin al napoletan che al fiorentin.