Dezensà

De Wikipedia
Va a: navegá, truvá
Chest artícol a l'è scricc in Bresà, ortograféa Modèrna Lombard oriental
Dezensà
Desenzano-Stemma.png
Panoràma de Dezensà
Map of region of Lombardy, Italy - grey.svg
Stàto Itàlia
Regiù Lumbardía
Pruvincia Brèsa
Cuurdinàde 10°32′06″ E
45°28′08″ N
Abitàncc 28 031 ab.
Superfìce 60,1 km²
Densità 466 ab/km²
Altèsa 67 m s.l.m.
Frasiù
Rioltèla, San Martì de la Batàia, Sentenér, Vacaröl, Muntunàl e Gróle
Cümü tacàcc Lonàt, Padènghe, Peschiéra (VR), Posolènc e Sirmiù
CAP IT-25015
Còdes ISTAT 017067
Prefìs tel. 030
Sit uficiàl del cümü


Dezensà (en Italià: Desenzano del Garda; en Latì: Decentium), l'è 'n cümü de 28 031 abitàncc (dàto del Dic 2013 [1]) de la Pruvìncia de Brèsa sitüàt endèl'estremità sudòvest del Lac de Gàrda a 30 km a Sudèst de Brèsa.

El teretóre de Dezensà 'l se tróa en mès a 'na grànda 'nsenadüra delimitàda a séra del Mut Córen e a matìna de la penìzola de Sirmiù, A sud de Dezensà se dèrf el piö grànt anfiteàtro morénic d'Itàlia.

Se pènsa che 'l nóm Dezensà el vègne del nòm de persùna lati Decentius, che 'l pödarès véser stàt el padrù de la vìla del IV sècol de la qual se pöl vizità i scàvi.

El Cümü 'l g'ha ciapàt la denuminasiù uficiàl atuàl endèl 1926 (prìma el se ciamàa Desenzano del Lago) quan che, l'è stàt tacàt ensèma al cümü de Rioltèla (che en Italià alùra l'éra Rivoltella del Garda) che 'l fàa cümü de per lü alméno del sècol XIII.

Del cümü de Dezensà fa part apò a la frasiù de San Martì de la Batàia, endóche gh'è stat combatìt la batàia piö sanguinùza de la Segónda guèra de 'ndipendènsa, ai 24 de Zögn del 1859, endóche i Piemontés de Vitòrio Emanuele II e i fransés de Napuliù III i g'ha batìt i Austrìaci. La batàia l'è stàda isé violènta ma isé violènta che, a la fì, el filàntrop svìser Henri Dunant, a éder el defà disperàt che le s'éra dàde per medegà i ferìcc le fómne del pòst e dei paés vizì (Castiù), el g'ha ìt l'ispirasiù per fondà l'istitusiù de la Crus Rósa.

Dezensà l'è zemelàda có Antibes-Juan Les Pins (Costa Azzurra, Francia), del Löj del 2001, Isola di Sal (Repüblica del Cabo Verde), Wiener Neustadt (Àustria), del més de Bril del 2002 e Amberg (Germània).

Evulusiù demogràfica[Mudifega | mudìfica 'l sorgènt]



Abitàncc censìcc



Riferimèncc[Mudifega | mudìfica 'l sorgènt]

  1. Statìstiche demogràfiche ISTAT. Statìstiche sö la popolasiù del Istitùto Nasiunàl de Statìstica relatìve al 31 de Dezember 2013.