Demineralizzazion

De Wikipedia
Lumbard ucidental Quest articol chì l'è scrivuu in lombard, grafia milanesa.

La demineralizazion l'è l'operazion de ingegneria de la chimica per trà via i minerai de l'aqua o d'un alter liquid. Normalment, i fa la demineralizazion prima de scaldà l'aqua, inscí el calcar, ma anca i saa del solfor vann minga giò a sporcà i tubi di scambiador.

I process de demineralizazion pussee comun hinn:

  • reazion chimica con la calsa e poeu la soda solvè : quest l'è el metod pussee comun per fà l'aqua potabil;
  • passagg sora i balett de plastica cationich e poeu anionich : inscí se prepara l'aqua bona per el ferr de stira, ma anca per la caldera.

Demineralizazion chimica[Modifega | modifica 'l sorgent]

Sa mett in de l'aqua de tratà la calsa, tant de mol quant a hinn i mol de solfat in de l'aqua, magara un cicinin pussee. La reazion l'è :

SO4-- + Ca++ → CaSO4

che l'è insolubil, el ven giò in del decantador. Sa podaria anca filtrà dopo el decantador si se veour avègh de l'aqua pussee pura. L'operazion successiva l'è la reazion :

Ca++ + Na2CO3 → CaCO3 + 2 Na+

Anca el CaCO3 (el marmo comun) l'è insolubil, e el ven giò nel second decantador.

Scambi ionich[Modifega | modifica 'l sorgent]

I saa in de l'aqua hinn una soluzion, el voeur di ch'a hinn en forma ionica. Alora, sa poeu passa i ion tacaa visin a un prodott chimich ch'el scambia un radical positiv cunt un ion positiv, e istess cunt i negativ. Un prodott faa inscí el se ciama resina de scambi ionich. El radical de la resina l'è picinin, el poeu vess H+ (positiv) o anca OH- (negativ) : inscí, i radicai vegnuu de la resina han forma domà de l'aqua.

Adèss, tucc i saa hinn ligaa a la resina 'me cation C- o anca anion A+ (atenzion! i resin cationich i ferma i anion, e i anionich i cation). Se fa passà de l'acid cloridrich in de la resina cationica, per fà la reazion :

HCl + A+ → A+Cl- + H+ ch'el se tacca a la resina, e per l'anionica

NaOH + C- → Na+C- + OH-

e la resina l'è bona per un olter passagg.