Decameron
El Decameron ("des giornaa" in grecch) l'è 'n oeuvra del Giovann Boccasc scrivuda in tra 'l 1349 e 'l 1352, dopo l'epidemija de pesta in Europa.
L'è 'n oeuvra laica e fada per divertì, e de facc l'è ciamada "Commedia umana", contrapognuda a la Divina Commedia, che la cunta su, comé cornis, de des s'cett (sett tosann e du bagaj) che, per scappà de la pesta, i vann in del contad. Lilinscì se cunten 10 novell per 10 dì, tucc i dì foeura del venerdì e del sabet, e 'sti novell chi parlen de l'umanità in general, sia di lat positiv sia di quij negativ, senza nissun fin didascalegh.
I personagg vegnen de tucc i class sociai e i tema principai hinn l'amor, l'intelligenza e la fortuna, vista pussee 'me 'l cas dal Boccasc.