Dairago

De Wikipedia
Va a: navegá, truvá



Lumbard ucidental Quest articol chì l'è scritt in milanes, ortografia classega.


Dairaa
Dairago-Stemma.png
Map of region of Lombardy, Italy - grey.svg
Stat Itàlia
Regiun Lombardia
Pruvincia Milan
Cuurdinade 8°51′51″ E
45°34′05″ N
Abitant 6 139 ab.
Superfiss 5,6 km²
Densità 1 096 ab/km²
Altitüden 194 m s.l.m.
Cumün tacaa Arconaa, Buscaa, Busti Grandi (VA), Busti Piccol, Legnan, Magnagh, Villa Cortesa
CAP IT-20033
Còdes ISTAT 015099
Prefiss tel. 0362



Dairagh ò anca Dairaa (Dairago in del dialett local e in Italian; in del dialett local la pronuncia pussee corretta però l'è Daiògo) l'è on comun de la Provincia de Milan con 6 139 abitant, al confin con la Provincia de Vares (Busti Grand).

Stòria[Mudifega | mudìfica 'l sorgènt]

I primm abitant del loeugh hinn staa i popolazion ligur de origin pre-indoeuropea, seguii poeu di Celta: a quell period chì se fà derivà el topònim -agh, che l'indicava i poppietà de terra. Dòpo el domini roman, Dairagh l'ha conossuu on period noeuv de splendor in del Medioev Bass, quand che l'è stada sede de ona piev milanesa e vun di capploeugh stòrich del Contad de Burgaria, voeuna di contee che la divideven la marca de Lombardia duranta i dominazion di Longobard, Franch e del Sacro Roman Imperi Germanich.

El document scritt pussee antich conservaa l'è ona pergamena del Medioev Alt, de l'ann 922, in de la qual l'è nominaa Domenegh, arcipret de la gesa de San Genesi in Dayrago, che l'è stada reggiuda in seguit de on prevòst e la gh'ha avuu on'importanza granda in camp religios e social: el Liber Notitiae Sanctorum Mediolani del Goffred de Busser (1280) el dis che sòtta la giurisdizion de la Piev de Dairagh gh'era ben 46 ges.

Duranta tutt el Medioev el paes l'ha conossuu minga svilupp urbanistich ò demografich, tanto che in del Settcent el cuntava manch de 500 e l'è vegnuu vun di center minor de la soa piev medemma. Isolaa in la campagna, reggiuu de on'economia prevalentement agricola fina al segond dòpoguerra, Dairagh l'ha gh'ha avuu on degrad progressiv, con la conseguenza de la perdida de l'indipendenza comunal (1868-1957), taccaa ad Arconaa: adess la fa part del decanaa de Castan Primm.

Ligamm de foeura[Mudifega | mudìfica 'l sorgènt]


Evoluzion demografega[Mudifega | mudìfica 'l sorgènt]

L'andament del nümer de abitant del cumün de Dairago l'è mustraa in de la tabela chi de sutta:



Abitàncc censìcc