Custuleta a la milanesa

De Wikipedia
Va a: navegá, truvá

La Custuleta a la Milanesa (in grafia classega milanesa Costoletta a la Milanesa) anca ciamada Cutuleta a la Milanesa, l'è un piat tipegh de Milan giamò cugnussüü in de l'Edaa de Mezz. La "Milanesa" l'ha scüsaa de inspiraziun per la famusa Wiener Schnitzel, piat fort de la cüsina vienesa e anca lee cugnussüda in tüt 'l mund, e per la Cordon Bleu, piat uriginari de la Sgüissera e cugnuussüü anca lü in tüt 'l mund. Bögna dì che int i paes germanegh la Milanesa la vegn ciamada "Wiener Schnitzel" menter che int i paes latin, e suratüt de l'America Latina, la vegn ciamada cunt 'l so nom uriginaa, ciuè (Cutuleta a la) "Milanesa".

Rezeta e preparaziun[Mudifega | mudìfica 'l sorgènt]

Custuleta a la Milanesa

Tajà la carna de büscin a toch, spetasciàla ben benun cunt el dedree de na padela e bütagh sü la saa (ma minga ‘l pever, nè). Rürà i öf cunt una cügiara (senza giuntagh negot d’olter) e sbrisà ’l pan poss cunt una gratiröla. Mujà la custuleta in de l’öf sbatüü e pö passà tüt e do i band in de’l pan poss. Scoldà un toch bel grand de büter in d’una padela e pö metegh dent la custuleta. Lassàla cös trii mignüü, sia de na banda che de l’oltra, u finché l'è bela durada. La se po servì cunt una feta de lemun e un puu de erburin e cumpagnada de pom de tera frit e ketchup.