Cotyledon orbiculata

De Wikipedia
Va a: navegá, truvá
Cotyledon orbiculata
Cotyledon orbiculata 2.jpg
Classifigazion sientífiga
Regn: Plantae
Division: Magnoliophyta
Clas: Magnoliopsida
Ùrden: Saxifragales
Famìa: Crassulaceae
Zèner: Cotyledon
Spéce: Cotyledon orbiculata
Nomm binomial
Cotyledon orbiculata
Linèo
Sinonim

Cotyledon elata
Cotyledon oblonga
Cotyledon ovata
Cotyledon ramosa


Cotyledon orbiculata, l'è 'na piànta suculènta che fà part de la famìa de le Crassulaceae.

Descrisiù[Mudifega | mudìfica 'l sorgènt]

C. orbiculata l'è 'na spéce che crès presapóch fìna al méter, méter e mès de altèsa.[1], la g'ha le fòie carnùze, grìze/vérde che pöl rià a éser grànde 'nfìna a 13 ghèi de longhèsa e 7 de larghèsa. Le g'ha sùra 'na sórt de prüìna che ghe àidia a reflèter la lùce del sul e conservà l'aiva.[2]. La fùrma de le fòie la pöl fà pensà a le orèce de 'n , difàti chèsto 'l g'ha ispiràt el nòm popolàr en inglés che l'è apùnto "Pig's ears".[3]. I fiùr i è culùr aràncio/rós (en quach varietà i pöl véser a zalcc) a fùrma de campanèla, de sòlet i pàsa mìa i 3 ghèi de longhèsa. I pindùla zó de 'n gamp che pöl rià a éser lónch enfìna a 60 ghèi.[1].

Distribusiù[Mudifega | mudìfica 'l sorgènt]

I è uriginàre del Sud Africa,[1] ma se le tróa 'ndèi giardì de töt el mónt. En natüra, la crès spontànea sö le préde che ànsa sö 'ndèle praterìe sèche e 'ndèla regiù del Karoo.

En Nöa Zelanda, l'è cunsideràda 'nvazìva e l'è 'nserìda 'ndèl National Pest Plant Accord.[4]

Üzo[Mudifega | mudìfica 'l sorgènt]

C. orbiculata la vé dopràda 'n divèrse maniére come piàna medicinàla. En Sudafrica, la part carnùza de le fòie la vé postàda 'nsìma ai cài. Le fòie càlde le vé aplicàde come 'mpach söi brofèi e sö ótre 'nfiamasiù de la pèl. Le fòie le pöl véser pò a mangiàde per fà pasà i vérem e el sùco se 'l dòpra per cürà l'epilesìa.[2]

Le fòie le conté 'na sostànsa ciamàda cotyledontosìna che l'è tòsega per le pére, le càvre, i caài, le àche, i pói, e i cà.[5]

Riferimèncc[Mudifega | mudìfica 'l sorgènt]

Commons-logo.svg
Wikimedia Commons
al gh'a dent roba culegada a:
  1. 1,0 1,1 1,2 Cotyledon orbiculata. University of Oklahoma Department of Botany & Microbiology (June 13, 2009). Recuveraa el 2010-04-19.
  2. 2,0 2,1 Harris, Shireen. Cotyledon orbiculata. South Africa National Biodiversity Institute. Recuveraa el 2010-04-19.
  3. Vandecasteele, Petra; Godard, Paul (2008). In Celebration of Fynbos. Struik, 54–55. ISBN 1770074902. 
  4. National Pest Plant Accord (PDF). Ministry of Agriculture and Forestry (2008). Recuveraa el 2010-04-19.
  5. Wickens, G. E. (1998). Ecophysiology of economic plants in arid and semi-arid lands. Springer, 204. ISBN 3540521712.