Comun inglobaa a Milan
Milan l'ha vist in de la soa stòria on grand numer de slargament del sò territòri ai dann di comun che se trovaven arent a lù. Questa chì l'è ona lista di comun che in di vari period stòrigh hinn staa unii al capploeugh lombard.
Repubbliga cisalpina[Modifega | modifica 'l sorgent]
In del period napoleònigh, a partì del 1808, on decrett l'ha stabillii che Milan l'andass oltra i Bastion per on ragg de 4 miglia. Inscì hinn staa unii a Milan 35 comun. Quell provvediment amministrativ l'è staa scancellaa in del 1816, duranta el Regn Lombard-Venet.
I comun eren:
Affer, Bicòcca, Boldinasch, Cà Noeuva, Còrp Sant, Crescenzagh, Derghen, Garegnan, Gòrla, Grancin, Lambraa, Lampugnan, Linaa, Lorentegg, Macconagh, Morsengg, Musòcch, Ninguarda, Nosed Ceravall, Poasch, Presciantenee, Precòtt, Quart Cagnin, Quint Sô, Redesces, Ronchett, San Gregòti, Segnan, Sella Noeuva, Trenn, Turr, Vaian, Vigentin, Villa Pizzon.
XIX e XX secol[Modifega | modifica 'l sorgent]
- 1860-1873: el comun di Còrp Sant, che 'l comprendeva i paes de Baròna, Bovisa, Calvairaa, Cimian, Fontana, Ghisolfa, Grattasoeuj, Lampugnan, Lorentegg, Maddalena, Monluè, San Sir e Trii Ronchett.
- 1918: Turr.
- 1923: Affer (che l'aveva giamò ricevuu i paes de Derghen e Bruzzan), Bagg (pù Muggian e Sella Noeuva), Ceravall (con Nosed), Crescenzagh, Gòrla-Precòtt, Grech, Lambraa, Musòcch (con Boldinasch, Cassina Triulza, Garegnan e Villa Pizzon), Ninguarda, Trenn, Vigentin, Lorentegg (che intrattant l'era tornaa a Còrsich) e Ronchett (che 'l partegniva a Buccinasch).
I comun conurbaa a Milan[Modifega | modifica 'l sorgent]
Oltra a quei sitt chì, a gh'è on poo de comun che hinn indipendent, ma che hinn taccaa a Milan in d'ona manera tal che se pò quasi dì che faghen part de l'istessa città. Tra 'sti comun a troeuvom: